ايش الشي اللي يضايق بكلمة تعالوا راحت .. ؟؟ احنا نقولها كثير واتوقع قالولها لنا بكثرة.. لما نقولها مو يعني نكره الشخص هذا لا ابدا مانكرهه بس انتي ضيفة واي ضيفة لو طيبتها تغطي بلد .. لازم من التحفظ والرسمية عندها لو شي بسيط يعني ماتتقارن الضيفة بالاخوات وبنات الاخوات وبكذا لما رحتي ياخذوا راحتهم زيادة مو يعني فكه منك .. انا هذا رايي

عزيزتي انا مع الاخت فوفا بعدين تناقض تقولين اجتماعيه ومحبوبه من الجميع وبعدين تقولين مايحبوني ومايعزموني وثانيا ولا تزعلين مني كلمة مرحه هدي احط تحتها مليون خط يمكن انتي تشوفين نفسك مرحه وغيرك يشوفك......مستظرفه اذا كان بس اللي مظايقك بنت عمك مع نفسها الحياه ما بتوقف عندها وان كان هالشي يصير من اكثر من شخص من قرايبك فراجعي تصرفاتك ممكن سويتي شي ما اعجبهم او فيه شي في شخصيتك ما ارتاحو له الله اعلم

*الناس الي تربطك فيهم صلة رحم تواصلي معهم سواء تقبلوك او لا لانك قاعدة تعمرين اخرتك وترضين ربك .. فلا تتخلي عن رضى ربك علشان هم ياخذو راحتهم وفي نفس الوقت اذا عارفه ان هذولا الارحام مايبغو زياراتك خففي عليهم ولاتطولي عندهم ..
* التمسي للاخرين الاعذار حتى لو سمعتي شي يضايقك استمري في التماس الاعذار علشان تحافظين على سلامة قلبك من كره احد وتلقي الله بقلب سليم قولي ممكن عندهم موضوع خاص مهم او شخصيتهم تختلف تماما عني فطبيعي ماياخذو راحتهم .. ممكن في ناس في حياتي ما احب اجلس معهم لاختلاف التفكير والشخصيات مو معناته ما احبهم او اكرههم
* عيشي حياتك ولا عليك من احد اطلعي واجتمعي مع الناس ولايهمك احد مو كل الناس سوا اذا في ناس تكره وجودك اكيد في ناس تحب وجودك
* لاتدخلي في نوايا الناس وهذي تغار وهذي تكرهني ودعي الخلق للخالق .. الله وحده هو العالم بما في صدور العالمين لاتفسري تصرفاتهم ولاتبحثي في نواياهم وايش قصد فلانه وعلانه . حتى لو قالت لك نفسك تصرفها او نظراتها واضحه ... كفاية علينا ذنوبنا يوم القيامة فليه نتحنل ذنوب الناس بسوء النوايا وليه نملا قلوبنا كره وبعد .. التمسي لهم العذر وعيشي حياتك كما يحب الله .
*جاهدي نفسك للتخلص من الحساسية الزايدة ما وراها الا الحزن والذنوب والنكد ولاتفرضي نفسك على احد ليه ماعزمتني وانا اعزمها ووو ... كل انسان حر في تصرفاته وليس لاحد الحق ان يملي عليه .. وابتعدي عن اسلوب الانتقام ماعزمتني اجل انا بعد ما اعزمها .. عاملي الناس اولا بما يرضي الله ثم بمايسعدك ولاتراقبي اعمال الآخرين
* استعيني بالله " الدعاء والذكر وقران " هذا يزيدك ثقة في نفسك ولا مبالاه لتصرفات الخلق
* راجعي نفسك ممكن في تصرف منك ينفر الناس عنك مثلا تحبي تكوني المتكلم والجميع مستمع ... تحبي تمزحي طوال الوقت .. تحبي تجمعي اخبار الحاضرات بكثرة الأسئلة. . ..الخ
اسأل الله لك التوفيق

شوفي ياقلبي انت ذكرتي كم وحده مو الكل
انبسطي وروحي للناس الي انت حاسه بحبهم لك
اما غيرهم الي انت حاسه باي احساس مو مريح خلي زيارتك لهم رسميه وواجب بس
وربي يرزقك ناس تقدر طيبتك وقلبك..

اللي تلاقيه يستثقل منك لا تزوريه و اكيد في ناس غيرهم يحبون مجالستك وانتبهي لنفسك هل تطولين بالجلوس بالزيارات او ماتتركين فرصة لاحد يتكلم او تستهزئين بالعالم لان عن نفسي اتجنب اجلس مع هالنماذج