على وجه زواج وأخاف زوجي يرجعني بيت أهلي من اول يوم... ساعدوني تكفون

السلآم عليكم بنات حواء حبيباتي
والله إني معاكم من زمآآآآآآآآآآآآآآآآن وأقرى مشاكلكم وأدعيلكم من كل قلبي

ومن زمان ودي أخذ شوركم بهالموضوع لكن كل مره بجي أكتب الموضوع أخاف وأهون :icon33::icon33:

حبيباتي مشكلتي انا يمكن تحصل لكل بنت إذا محد فطنها وعلمها من بدري:44::44:

أنا يابنات على وجه زواج والمشكله هيا :(
إني انا بلغت من بدري عمري 9 سنين وشوي يعني بصف رابع إبتدائي بالزبط الترم الثاني طيب
وكنت صغيره وجااااااااااااااااااااااااهله ولآ أدري عن شي

أول يومين جاتني الدوره وإنتم بكرامه ماعلمت أحد أبد وكنت ألعب في الشارع مع بنات عمي ولآ أدري وش هالشي ماأخبي عنكم إني كنت خايفه منه مره وكل شوي أبدل ملآبسي الداخليه مالي حيله غيرها
وبعدين لمى شفت إنه الدوم وإنتم بكرامه موراضي يوقف أبد رحت إستشرت بنت عمي أصغر مني بكم شهر جيت بكحلها عميتها وقالت لي روحي غسلي بلمويه وهو يروح
وأنا كل شويه أروح أغسل وأغسل وأغسل مافي فايده وقررت إني أحط الرشاش حق المويه من المخرج الي ينزل منه هالدم عشان يوقف وأفتكر إني رشيت بقوه كان الرشاش على أقوى شي وأتعورت وربي مرررررررره عورت نفسي حسيت بألم وحسيت بكتلة دم نزلت كبيره المهم حبيباتي

وأنا نسيت الموضوع ولآ أعطيته إهتمام مدري وش سويت أنا وقتها اليوم الثاني صحيت من النوم وامي الله يطول بعمرها هيا الي صحتني وعرفت لأنه كان نازل على ملابسي وسألتني من متى هالشي يجيكي وكذبت عليها وقتها من الخوف وقلت لها مدري نمت ماكان فيني شي وانا ليا يومين على ذا الحال ولو بتسألوني يومين كيف مالاحظت كنت اغير ملابسي وأرميها في الزباله وإنتو بكرامه

ويوم صرت في ثالث متوسط عرفنا البكاره وكذا وإفتكرت الي صار لي اول مابغلت وأنا وربي من يومها الين اللحين وعمري 22 سنه وأنا شايله هالهم بقلبي ولآ قلت لأحد ولآ أمي حتى
وقلت أشاوركم حبيباتي
وربي أنا مره خايفه إني أذيت نفسي أو فتحت نفسي ومدري أقول لخطيبي ولآ ماأقوله وأخاف أقوله ويشك فيني ومايصدقني وأخاف ماأقوله ويطلع إني أذيت نفسي ويشك فيني كمان وربي أنا بين نارين حبيباتي ماني عارفه وش أشسوي
الله يخليكم دلوني على حل ولآتقولون لي روحي أكشفي عند دكتوره وربي ماأقدر مستحيل أروح لدكتوره أهلي مايرضون


وأنصحكم لوجه الله ياأخواتي إنكم ماتفارقون بناتكم وتفطنونهم من بدري وربي ترى الوحده لمى تجيها الدوره وهيا ماتدري يصيبها خوف مو طبيعي

وأسأل الله الستر والسداد لي ولكم ولجميه المسلمين والمسلمات
اللهم امين امين امين