على وشك الطلااااااااق دعائكم تكفون

مساء الخير للاخوات
انا في مشكله كبيره بسبب اني على وشك الطلاق ........ انا غلطت واعترف لكن وش الفايده من الاعتراف والأسف بعد ما ينتهي كل شي
السالفه انو تحصل اوقات خلافات وبيني وبين زوجي وانا اضيق عليه لحد ما يمل مني وصارت كم مره واخر مره قال اذا تكررت مره ثانيه بوديك بيت اهلك
ومن كم يوم حصل نقاش بينا وانا ثرت وهو بصراحه اثارني وكان عن بنات دوله عربيه زوجي يعجبونه زمان وانا اكرهمممممممم المهم مع الشد والجذب وهو كان بينام وانا نكدت عليه نومته...........
قال اصلا هم اجمل واخف دم وخفيفات بس مشكلتهم لعابات يعني صعبه الواحد يتزوج منهم وانا ثررررت وما تحملت كلامه وهو يبي يعاندني لأني ابلشته قمت وقلت انا بموت وخليك لهم وطلعت وسويت نفسي اكل حبوب وجيت عنده وقال مجنونه انتي قلت ايه انا والا بنات .............. ( من جد كنت غبيه مرررررررره لحظتها ولعب علي الشيطان ) بس اذا فات الفوت ما ينفع الصوت
وطلع عني ونام بالغرفه الثانيه ولما صحى وهو مررررررررررره معصب قال بكل هدوء يوم الجمعه تشيلين اغراضك كلها وتطلعين لأهلك وقلت متى ارجع قال ما راح ترجعين ما ابيك خلاص انتي ما تعنين لي شي ما عاد اثق فيك وشلون احط ولدي عند وحده زيك مجنونه ............... هالكلام كان الثلاثاء ومن يومها وهو ينام بغرفه ثانيه ولا يلتفت لي ولا كأني موجوده واذا دخل البيت يدخل ووجهه اسود ومشمئز ............. يا بنات والله تعبت من نظراته قلببي يتقطع مدري وش اسوي اليوم الخميس ولا يبيني اتكلم معاه
يقول لو تكلمتي فانتي تجنين على نفسك
بس جالسه طول اليوم اصلي وادعي ربي اني يهديني ويهديه ويرضى علي ويسامحني ولو اني احس انها النهايه خلاااااااااص
ياناس والله احبه موووووووت وهو يحبني بس انا اعترف اني في كثير اوقات يلعب علي ابليس واطلع اغبى انسانه بهالوجود وهو الله لا يلومه مل من كثر هوشاتي وازعاجي
معاملته لي راااااااائعه جدا ولا بنت تلاقي زيها ماابي اخسره الله يخليكم ادعووووووووووووووووووووووووووو لي تكفووووووون ان الله يهديه ويرضى علي ويسامحني ويحنن قلبه علي ولا يوديني بيت اهلي .