السلام عليكم ورحمة الله وبركاته
عليه العوض ومنه العوض (شرح هام)
السلام عليكم ورحمة الله وبركاته
دايما بيصوروا الجملة هذي في المسلسلات والأفلام -عافانا الله وإياكم منها- بصورة هزلية
يجيبوا واحد عمل معروف في واحد والثاني ماعبروش
فيروح يحشرج صوته ويضرب كف على كف ويقول:
عليه العوض ومنه العوض !
وكل ملامح الأسى على وجه..
كناية يعني أنه خلاص الدنيا وحشة ومحد بينفع احد ولا الواحد عارف يستنفع من احد
وأنه خلاص فاقد الأمل في التعويض .. فبيقول الكلمة هذي كده "أهو تنفيس"
طيب هو أساسًا كان مستني العوض من مين؟
المفترض من ربنا سبحانه وتعالى
اللي هو "عليه العوض ومنه العوض"
مش من الناس ولا أي احد
يبقى مفروض يستنى العوض عند الله في الآخرة وهو مطمئن ومستكين لحد ما ربنا يبلغه الجنة وهيلاقي كل النعيم وكل العوض
اللي فكرني بالكلام هذا حديث لرسول الله صلى الله عليه وسلم أول مرة أعرفه لما قرأته
قال رسول الله صلى الله عليه وسلم :
"من شفع لأخيه شفاعة ، فأهدى له هدية عليها فقبلها منه ، فقد أتى بابا عظيما من أبواب الربا "
حسنه الالباني
معناه..
مثلا لو واحد صاحبك طلب منك تتشفع له في حاجة أو تتوسط له عشان يقضي مصلحة معينة
وبعد ما عملتهاله أهدى لك هدية
لو أخذتها ! >>> كده أنت أخذت ربا
للسبب هذا .. كما جاء في شرح الحديث:
فَأَخْذُ الْهَدِيَّةِ عَلَيْهَا يُضَيِّعُ أَجْرَهَا كَمَا أَنَّ الرِّبَا يُضَيِّعُ الْحَلَالَ وَاللَّهُ تَعَالَى أَعْلَمُ
ففي الأصل أنت بتتعامل مع ربنا وبتنتظر الأجر منه
فليبقى شعارنا دايما:
"لوجه الله!"
" إِنَّمَا نُطْعِمُكُمْ لِوَجْهِ اللَّهِ لَا نُرِيدُ مِنكُمْ جَزَاء وَلَا شُكُورًا "
وفي الآخر:
"عليه العوض ومنه العوض" ]
