لي يومين نظامي متعدل وصايرتن انام بكير اصحى بكير
بس اليوم شكلي رجعت لوضعي الاول يالله ماعلينا...تعودنا عالسهر وتعود السهر علينا
وعلى طاري السهر انتم لاجلستوا اخر الليل لازم تنقنقون مثلي ولا لا
عندي شرط اساسي السهر = بلعه :hahaha:
وتجيني مسكات اخر الليل مال امها دااااااعي
فجـأه اشتهي شي يكون مو موجود...ومتأكده لو انه فيه ماشتهيته بس نفسيه...!!
زوجي عارف نظامي ماينام الا جايب مؤنه السهره كلها وهاه نوشه تبين شي
وانا لا ابد
وحين ينام اقوم اتشهوى عشرين شي :(
وتقعد بتسبدي الا ابي مالي دخل ابي يعني ابي خخخخخخ
يعني قبل شوي هاه نوشه تبين شي
وانا: اممممم اممممم
هو: بسسسرعه تبين شي
انا: اصبر امممممم امممم
هو::mad:
انا: خلاص نام مابغى شي
بمجرد نام اشتهيت شيبس حار نار:(.........ابيه وش اسوي
واقولكم حاجه بس ماتضحكون علي تتوقعون وش اشرب معه
خخخخخ
لاتنصدمون:hahaha:
لبن...!!!
والله إليم جربوه شيبس حار نار مع لبن إدمااااااااااان لـ اخر حبه:hahaha:
لاتحسبوني دوب والله لو تنفخوني لطير
طيب انتن ياحريمات فيه احد منكن يسهر وهو رابط فمه ولا كل الشعب مثلنا
تدرون ان هالسهرات هي اللي تفلسنا بالصيف..خصوصاً اذا كل الاخوات متجمعات نصرف كل ليل مالا يقل عن 200 ريال
وهي كلها شيبسات وشوكولاتات واي سكريمات وعصيرات
متخيلين طووول الصيف كل يوم على وحده. غير صرفيه اليوم الباقي.والله جاني تانيب ضمير مهوب صاحي بعد الاجازه وحسيت انا اسرفنا اسراف وعاد ليته ينوكل كله الله المستعان
الوكاد اني مسكت معي ذحين ابي حار نار شسوي طيب:rolleyes:
وهالبقالات نظامها مخيييييس اجل يسكرون هالوقت
يازين رمضان كل البقالات فاتحه للفجر :hahaha:
اممم نرجع لسؤال اللي اعلاه
انتم شرط اساسي سهر = بلع
واذا ايه وش تبلعون خخخخ
واذا لا كيف تصبرون خخخخ
انطلقوا ياجعلني فداكن بس
مره ما لقيت خرابيط وادور تقولين مدمن يدور حبوب وافتح واحوس ولقيت شي مهنا زود بس بلعته وارتحت شوي