عماتي يكر هوووووووني

السلام عليكم

كيفكم يابنات انا عضوه جديده انا ببدء بمشكلتي علي طوال وابيكم تحكمون وشا معناته الي يسونه فيني انا متزوجه والحمدالله وعندي ولد بس المشكله بعماتي خوات ابوي انا بنت حساسه واهتم بكلام الناس
دائمنا عماتي يرمون كلام علي انا الوحيده من خواتي الي احس يكرهوني مااجلس في مجلس الا يرمون علي كلام وانا ساكته اضحك من جو احترق بقوال مثل يعني مره كان في زواج كنت جالسه جنب وحده من عماتيفكان في اغنيه عراقيه عاد قالت عمتي قومي ياقمر ارقصي عليها بعدين قالت لا انتي ما تصلحين ترقصين علي هذاي الاغنيه لان شعرك قصير لاتقومين عاد بنت عمتي الثانيه كانت واقفه قدامي قالتلها قومي يافلانه انتي ارقصي انتي شعرك طويله هذا ماتصلح ترقص ماعنده شعر ولا بعد ماكفت عند هذا الوضع قالت لبنت عمتي انتي جسمك حاو اما قمر دبه كل مره تسمنين وانا والله يابنات بدون غرور اني احلي من بنت عمتي والله حزت بعمري بس سكت وعمتي الكبيره خطبني ولدها ورفضة ثم خطبني ولد عمي الثاني ووافقت وتملكت عاد الايام الي كنا نزور فيها عمتي انا واهلي كانت تقوال لامي انتم وشلون توافقون عليه هذا مايصلح حق زواج
ومن ذا الكلام المهم ه لزواج صار مشاكل بينا وبين خطيبي وطلبت الطلاق بعد مده طلق المهم طلبني ولد عمتي الكبيره مره ثاني بعد ما عرف بطلاقي ورفضة والحمدالله اني رفضته لانه طلع نسونجي تخيلو بنات تزوج وحده ثانته بس قام يخطب علي زوجته وهي ماكملت عنده سنه شفتو وقاحته بس الحمداللهماحد يبيهالمهم خطبني ولد عمي واحد ثالث واوفقة عليه ماعني ماكنت ابيه بس صراحه حبيته بعد الزواج وهو حنون علي ويحبني والحمدالله المهم عمتي الكبيره كانت تبي زوجي لبنتها وهي راحة لزوجي قبل مايخطبني وعرضة بنتها عليه بمهر اقل بس هو ماكان يبي بنتها ياناس ماعمري شفت احد من جمعتنا يعرضون بناتهم لزواج ولا بعد بخصم علي المهور الا عمتي االمهم عمتي انقلبت علي وصارة تحب طليقي الاول وتحب امرته وتجيب له الهدايا وحنا ماعمره مدتها علينا :(والله يابنات اني قمت ابكي ليه عماتي يسون ولا في ثنتين بعد ما يحبوني بس ماحتك فيهن كثير بس في المجالس يرمون علي كلام انا الحين ماعبرهن ومسوي نفسي مغروره عشان ما احتك فيهن والله الحركات الي يسوهنا كثيره لو اكتب كان اجلس لبكره وانا ماخلصة خواتي يقولون ردي عليهن بس انا لو رديت عليهن بيقولون قدام الناس هذا ماتربت وهذا وهذا وانتم اعرف وانا وحده اهتم من كلام الناس وعلي فكره جاتني حاله نفسيه من الناس احس الي يكرهوني كثار والله حتي زوجي اكرهو ا عشانه زوجي يدورون العيبه فيه ابي رايكم وش اسوي معاهم المشكله هم يرمون كلام عليكي حتي لو ما عطيهم وجه ارد بوجيهم ولا اسكت واحتسب الاجر عند الله بس حالتي تدهور ونفسيتي زفت والله مرات اقعد ابكي من القهر ابي حل تكفون تكــــــــــــــــــــــــفون وانا اسفه علي الاطاله وعلي عدم تنسيقي للكلام لاني اول مره اكتب واسفه مره اخر