عمات بنتي

صباح الخيرات



سالفتي طوووويله ومافيني حيل اقرق

بعطيكم الزبده ابو بنتي الله يرحمه متوفي
وبعد وفاته الين سنه واهله يتصلون فيني واتصل فيهم
للسلام وكذا >>صلة رحم


بس بعد حوالي سنه قطعووووو العمات وامهم
واتصل محد يرد
وارجع اتصل بعد فتره مايردون


بعدين غيرت رقمي ودقيت على امهم وردت
وعرفت انهم يصرفوني
انا ماازعجتهم ولابينا صله الا هالبنت
وتواصلي معاهم ماكان الا عشانهم عماتها وجدتها
خفت من ربي وخفت تكبر بنتي وتلومني
والا تقول ليش فرقتي بيني وبين عماتي ومن هالحكي



المهم انا سويت الي علي وردت خالتي على رقمي الجديد
وانصدمت وسولفت شوي وبعدين قالت انا في بيت اختي
مشغوله >> تصرفني

انا ماعلي سلمت واديت الواجب وسكرت

بعدين طلعو علي كلام بناتها يكرهوني اعوذبالله
مع اني كويسه معاهم وبعد وفاة اخوهم ماكانت لي علاقه فيهم
حتى من قبل كانت علاقتنا عاديه رسميه

بس بعد ماولدت بنتي تغيرو

مااااااااااااااعليناااا
الزبده الحين انا من بعد حركاتهم هذي معاد اتصلت فيهم
تقريبا لي اكثر من سنه ونص الحين مااتصلت لافي خالتي
ولا عمات بنتي احس بأذلال يوم كنت اتصل فيهم
وريحت راسي وطنشت


بس الحين بنتي عمرها 3 ونص ماشاءالله
صارت تفهم وماودي اقطعها منهم
سؤالي لكم

هل ارجع اتصل فيهم واخليها هيه تكلمهم وتسلم عليهم
والا اطنشهم بس اخاف تكون قطيعة رحم
علما ان ابوهم خالي اخو امي وهو نفس الشي ماعمره شاف بنتي
الا 3 مرات وبالصدفه ولاعمره اتصل ولاكلم
والله الذي لا اله الا هو بهالساعه المباركه اني ماعمري غلطت عليهم
وعلاقتي فيهم رسميه وهما بديره وانا بديره بس ليش القطيعه والاحقاد مدري


طبعا خالي الي هو جد بنتي غسلت يدي منه
مغرور متكبر اناني حاقد مريض حاسد كل هالصفات فيه
فلو اتصلت فيه بيقفل الخط بوجهي
يعني هوه ملغي من القائمه خير شر
بكره اذا كبرت بنتي وصارت تفهم بكيفها اذا تبي تتواصل معاه
اما حاليا مستحيل حسبي الله عليه ونعم الوكيل



والي عندها شيخ ثقه توصله تساؤلي ولها الاجر
لانو كل الي اعرفهم اسماء عاديه مو واثقه فيهم
والا ترسلي الرقم وانا اكلمه


وربي طفشت من هالسالفه مشكورات مقدما