عمة زوجي وجدته وموقفي اللي يفشل يفشل يفشل >> بس بسولف

مرااحب وحشتوني والله

صباحكم نور يانور المنتدى انتوا

من زمان عن قسم الحياه الاسريه

المهم اني قاعده من صباح الله خير وجا على بالي اكتب لكم قبل لا اقول الموقف قريت قبل شوي توقيع مره عجبني بس برضوا مافي زي العطاء من الزوجه بالذات والام

بما معناه انه اذا اهملتي نفسك محد راح يهتم فيك واذا ما حبيتي نفسك محد راح يحبك (( الا ترين الرجال كم يشتهون المرأه الانانيه)) صح مو دايم بس بحدود


يالله بقولكم فشلتي:icon33:

رايحه عند اهل زوجي هم بعماره شقه فيها امه وابوه والشقه اللي فوق عمته وجدته وكلهم يقربولي
وانا ساكنه قريب اروح لهم دايم بس بحكم ان خوات زوجي اللي بعمري واللي اصغر مني فاروح اغلب الوقت عندهم وعمته وجدته بس اطلع اسلم يعني مو سهره وجلسه وسوالف
اللي صار ان اخت زوجي اللي بعمري هي متزوجه ودايم تجيهم بس انا من زمان عنها جيييت وسهرت ويوم جا زوجي بالليل طلعت اسلم معاه على الجده والعمه

اول مادخلت الا عمته تقولي بمزح من متى وانت تحت وانا احتريك وانا ابتسم من الفشله واسلم عليها واسلم عالجده وووو

واسلم على زوووجي:arb: اللي توه داخل معااي وهو يسلم ويقول شفيك انت وش تبين يبي يدفني والاخت مو سلام مصافحه الا مااقه الوجه واستوعب:surprised

والعمه بتنقذ الموقف تقول لا لا انا احرجتها يوم قلت وينك ماطلعتي

وانا مدري شفيني منصفقه واتبسم طيب انطئي أولي اي حااجه بس جتني الصيحه ودي اطلع بسرعه



اااه اكره نفسي كذا

يالله ماعلينا المهم عندي نصيحه لحبيباتي اذا كان قلبك نظيف وابيض بتحسين نفسك راقيه
ومستواك فوق اذا احد جرحك بكلمه وقلت بنفسك اللهم اني قد غفرت ما بيني وبين الناس فاغفر ما بيني وبينك كل جرح بيندمل من فرحتك برحمه ربي والصفقه اللي عقدتيها مع رب العالمين اللي ابدا ما يخسر الغني العالي
وفيه شي قالته لي اخت صديقتي اول ماتزوجت تقول عندي قاعده عشان ما اخسر اهل زوجي بسبب كلام وقيل وقال (يعني مثلا اسمك سارا بنت خالد الفلاني ) قالولك ياسارا انت شينه قولي امم اكيد وحده غيري اذا قالوا ياسارا يابنت خالد انت اخس وحده قولي امممم اكيد ما يقصدوني
اذا قالوا ياسارا بنت خالد الفلاني قولي يووه اكيد تشابه اسماء ههههههه
المقصود احسني النيه بكل شي

طيب مدري ليه خاطري اسولف اسمعوا هالموقف قبل ما اتزوج كنت عند اهلي بالمدينه >> لا ياشيخه

المهم طالعين مكه نعتمر وجا وقت الصلاه وكان زحمه المهم انا واختي اصغر مني بشوي كنا جنب بعض ومن الزحمه قبل اكبر رجعت الصف اللي ورى وكلنا مغطين لانه زي الممر بالحرم اللي صارت تصلي جنب اختي وحده متحجبه كاشفه وجهها ولابسه عبايه وطرحه سودا عاد اختي سلمت وتلتفت عليها وتقرب عند اذنها تقول ماااا شالله الاخت بامريكا مو بالحرم تحسبها انا كاشفه وجهي يوم طالعت الا هي وحده ثاانيه واشوفها تدورني اول ما شافتني:angry2: وتعلمني الموقف وانا ميته من الضحك


وبس

يالله عاد بروح انام هذا الفراغ الله لايوريكم يخلي الوحده بس:talker:

نسيت تكفون ادعولي اللي فبطني يكون بعيون خضرا او رمادي وصحيح ومعافى وادعولي ربي يهديني ويثبت قلبي


يالله فمان الله