أنا ما فكرت أنزل مشكلتي هنااااااا لأني حاطه بقلبي وساااااااااكته من شهر ثمانية وقت ماصاااااااارت السالفه وما حبيت أفتح جروح لقلبي جديدة والسالفه رااااااااحت .
بس الحين الناااااااااااس عييييييييد والكل يتزاورون ويصلون بعض .....وأنا ولله الحمد وحده فيني خيررررررر كثير
ما أمدح بنفسي بس هذه الحقيقة....يعني بأختصاااااار أراعي حق الله و راعية فزعه وأقوووووووووم بالواجب ووصله
أبي منكن طلب قبل أي رد جااااااااااارح
حطن نفسكن بموقفي وأحكمن قبل لاتردن أي رد جاااااااااااارح مع أني ما كتبت موضوعي إلا وأنا أرحب بآرائكن
ونقدكن لكن بدون تجريح .....أبي نصيحتكن وكأني أخت لكن ...
مشكلتي تتلخص بعمااااااااتي .....كلهن راعيااااات مشاكل وشر عمااااتي أحزاااااااب نصهن خواااااات أبوي من أمه ونصهن خوااااااات أبوي من أبوه .....وفيهن من أبوه وأمه .
صارت لي مواقف كثيرة بسببهن بس المشكلة الأساسية صارت قبل رمضاااااااااان رحت زيااااااااارة لعمتي وكان عندهاااااااا جارتهاااااااا
الحرمه شاااااااااافتني وطااااااااارت فيني وقالت لي صراااااااحه تبي تخطبني لواحد من جماعتهم مطلق مثل حالتي
بس ماعطيت الموضوع أهمية رغم أنهاااااااااا طول الجلسة بس تمدح فيني وصلتي للسماااااااااء من المدح بس أنا من النوع الثقيل مو أي كلااااااام يطيرني ....المهم سهرت ذاك الليلة عند عمتي وطلعت من عندها الفجر وجارتهااااااا ماراااااااحت .
طبعا عمتي هي الي عزمتني قلت ماعندي أحد يجيبني قاااالت أرسلك السواق وفعلا الي جابني ورجعني سواقهاااا
الي جرحني يابنااااااااات وأدمى قلبي أن الحرمه دقت علي تخطب وتقول أن رقمي نست تأخذه مني وأنهاااااااا بالغصب جابته من عمتي لأنها ماتبي تعطيه لهااااااا أنا هنا صرت كذا
وسألتني بينك وبينهااااااا شيء قلت لا أبد !!
وأنا كنت صاااااااادقه علاقتي فيهااااااا من أحسن مايكون هي الوحيده الي أرتااااااااح لها من بين عمااااتي !!
ومع ذلك ماصدقت بالبدايه كلام الحرمه .
قالت أنا جايتك خطابة وأبي أجيكم بالبيت أنا وحريم معي قلت حياك الله .
جت وجابت أخت الولد معهاااااا لأن أمه تعبانه وماله إلا أخت وحده ....وكانت سائله عني قبل ماتجي وتعرف زميلات لي بالعمل تقول مدحوني عندهاااااا وعرفت بعدين منهن .
طبعا قلنا نستخير ونرد لكم ....طبعا بعد ماطلعت من عندي بوقت دقيت عليهااااااا وقلت لهاااا أني ما أبي عمتي تدري
لأن للحين ماصااااااااار شيء وإذا صااااااار شيء أنا أقولها بعدين .والي فهمته منها أن أخته أرتاحت لي وبعدين
قامت الحرمه وجابت الطبلون كله وقالت أنها راحت لعمتي بيوم وكانت تبي رقمي وكان عندهاااااا وحده من عمااااااتي
ولما قالت أبي رقمهااااا بخطبهاااااا قعدن يطالعن لبعض ويتضاحكن تقول قلتلهن ليه إذا البنت فيها شيء علمني هذا زواااج .مو لعبه ؟؟.....تقول رجعن يضحكن ويطالعن لبعض وقالت عمتي الي كنت عندها يوم شافتني الحرمه وش تبين فيهاااا هذه عوباااااااااء !!
صحيح أنهاااااااا سنعه :angry: بس عوبااااااء ما أنصحك فيهاااا وقعدت تقول أنه (الفلااان ) تقصد عايلة أبوي
لأنها أخته من أمه ....بناتهم يمصن دم الرجااااااااال ** ويحبن يملكن الرجااااااااال !!
والي خلاااااااااااني أثق بكلااااااامها أنها قالت أشياء تخصنا ما يدري فيها البعيييييد وتأكدت أنها صااااااااادقة 100%
بصراااااااااااحه حقدت عليهاااااااااا هي وعمتي الثانية لأني ماقصر معهن أوصلهن وأقوم بواجبهن وأهديهن بالمناسبااااات مع أنه وحده منهن ماعمري شفت منها لو سلك !!
وحده منهن كانت وهي عروس تجي عندنا زياااارة مأخذه واحد من محاااااااارمي وأجهز لها غرفة وأتذكر وقتها ماكان عندي شغالة وأرجع من الدوووووووام القى غرفتها محتاسة وحتى فراشهااااا ماتشيله عني وزوجهاااا أغسل ثيابه وأكويهن وهي بس تلبس وتطس لخواتهااااااا والعطلة الي فاتت جت عندنا والله العظيم أنها تجي بالليل الساعة 11 وتنااااااام مع زوجها ولاجاء من بكراااااا وجيت من دواااااامي القاها تو صاحية أجي تعبانه ماروح وأخليها وأنااااااام أجلس عندها وأضغط على نفسي وأنا تعبانه وأفطر معها وبعده تروح تلبس وتروح لأختها ولا جت الساعة 11 بالليل جت ونامت ولا جاء بكرا أفطرت أو تغدت وراااااااحت وعلى هالمواااااال وأنا كاظمه عيظي وساكته كأن بيتنا فندق !!
مع أني أركض لها وشغالتي تخدمها وتشيل لها حتى شناطها
ماهي أول مرة يأذني بالكلااااااام ويحشن فيني وأنا ساكته .....والمشكلة أن هذه الجارة تقول أنا ماصدقتها لأنها هي العوبااااااااء تخانقت مرة مع زوجها وأنا عندهم وتقوله ياكلب ياحيوااااان!!
تخيلوووووو يعني فضحت فيهاااااا بعد عندي أنقلت كلامهااااا لي وطلعت فضايح بيتها ....وأنقلب السحر على الساحر .
وماشاء الله عليهن مايشوفن أنفسهن مهورهن فوووووق المية وحنا مهورنا ماتعدى الأربعين والخمسين أنا وعماتي خوااااات أبوي من أبوه وهن يقولن يمصن دم الرجال ** مع أن كل سبل الراحه عندهن وأنا وعماتي الثانيات مطلقات ومتعلمات وفينا الموظفات وحظوظنا بالأرض رغم انا عنهن فرق السماء عن الأرض !!
عماتي كلهن تطلقن ورجعن علشان عيالهن أما عماتي خوااااات أبوي من أمه على طول لسانهن رجالهن وراهن ومرفهينهن
والله مدري هي غيرة هو حسد أو أيش ؟؟؟؟؟
لأني دايم طيبة معهن ماعمرهن شافن مني وهذا الي مجنني ماسويت لهن شي وأنصدمت من كثر الكره والحقد الي بقلوبهن عجزت اتحمل واسكت وأقول صلة رحم وهن مايقدرن .
والله العظيم وحده منهن كان ولدها متوفي بحادث قبل سنتين ورحنا أنا وخواتي نعزيهااا ولما شفنا عمتي بعد الناااااااس تمشي وتشيل من الأرض القراطيس وعلب البيبسي مع أن البيت فيه 6 شغالات وبناتها الوحده كبر الحمااااااار قالت وحده من خواتي لبناتها الجالسات شيلن عن عمتي ...أمكن تعبانه ..هجمت عليها عمتي وقالت قداااااام الحريم هذولن غيرانات من بناتي !!
الحمدلله والشكر على نعمة العقل !!
والله يابنااااااات أنهن يلحن علي أجيهن ولما أجيهن أشوف منهن العجايب .:icon33:
ياما عزمني ولاجيت أوجبهن لأن تكون وحده من خواتهن جاية من سفرمثلا وأجيب قهوتي وحلااااااااي ويرسلن علي ترى حنا رحنا للسوق ماحنا فاضين اليوم تعالي بكراااااا مع أنهن هن الي داقااااات وعازمات ويروحن ومايحطن لي أعتبار ولاحظن أنهن يرسلن بعد يعني مايكلفن أنفسهن يدقن يتعذرن ؟
والله يابنااااااااات ما عمري قطعت فيهن بس تعبت وماجاني كفاني .
والله ماهمني موضوع الخطبة بس ليش عمتي تسب فيني عند الأغراب ولو شافت مني المفروض ماتعيب فيني عند خلق الله ........زود على أنها ماعمرها شافت مني ماتكره .:44:
أول مره العيييييد هذا أقطعهن ولا دقيت ولاعايدت عليهن ....دقيت على وحده منهن تصير عمتي الكبيرة وعايدتها
وكلمت الثانية كانت جنبها لأنها تعبانه وعايدتها والباقياااات كانن موجودات وسحبت عليهن .
ودقيت على قريبي وعايدته وطلبت منه مايجيب حرمته عندي وقلت ودها أختها لأجيت بتعايدنا لأني أدري أنك تجيبها وهي ماتبينا أنا أشوفها كيف تجي تناااااااام وتملااااااااا بطنها وتنحاااااااش لأختها فـ رجاء خاص لاتجيبها عندي
لاطلعت من بيت أبوي جبها قالي ليه مسويه لك شي اتوطاها قلت لا بس لاتجيبها وخلاااااااص الي مايبينا مانبيه .
وش رأيكن يابنااااااات حواء لو أنكن بمكاني وش تسوون ؟؟؟
فقعن مرارتي ولافيهن طب ولا ينفع معهن معروف :09:
والي ذكرته غيض من فيض بس ما أبي أوجع روسكن بكثر السوالف والقيل والقال زي ما أنوجعت
علما بأني قررت أقاطعهن للأبد وأرتاح من القيل والقااااااااااال !!