عمتي بتخطب لولدها بنت اختها... وانا؟؟ ليش تزوجني ذا؟

السلام عليكم ورحمه الله وبركاته

والله يابنات مقهوووره تخيلو عمتي ام زوجي بتزوج ولدها الصغير بنت اختها
وانا؟؟؟ واختي ؟؟؟ وبنت عمي ايش؟؟؟


السالفه من البدايه
حنا 7 بنات عايشات في بيت واحد مع اهلي انا وخواتي 2 وبنات عمي المتوفي الله يرحمه 2 وبنات عمي الثاني 4 بس 2 صغار
وساكنه معانا جدتي الله يطول بعمرها
وطول وقتنا عند جدتي لان ابوي وعمي كانو يتركونا عندها نخدمها وعشان بنات عمي المتوفي مايحسون بالنقص هم وامهم
يعني مثل الخوات واكثر

واحد من عماني ماشاالله عنده 6 عيال و 5 بنات

وعايش برا بيتنا يعني ماهو معنا

المهم ان عمتي زوجه عمي هذا اصرت الا تزوج عيالها من بنات عمهم
وزوجتني انا واختي وبنت عمي المتوفي وبنات عمي الثاني
يعني زوجت عيالها الخمسه مننا

وحنا متوقعين انها بتزوج ولدها الصغير بنت عمي الصغيره
وهي متعلقه فيه مرررره

بس اليوم اكتشفت الحقيقه المره




زوجتنا عيالها اللي استغفرالله ماهم تمام يعني دخان وخرابيط وانتم فاهمين وش اقصد
تقول بنات عمهم يصبرون عليهم ماراح يتركونهم
وولدها هذا تقول لا هذا الصالح ابيه لبنت اختي
تخيلووووو


والمشكله مره قلت لها ياعمه متى بتخطبين فلانه لولدك
قالت لا مانبي له منكم
انصدممممت صراحه

وحتى هي دايم تقول لزوجي ولدي هذا مثل الصفحه البيضا
ماهو مثلكم
تخيلو


يعني عشانه صالح على قولتها بتزوجه بنت اختها؟؟
ليش الظلم ليش تعطينا الشين وتدس الزين للبنات اختها
والمشكله بنت عمي الضعيفه اللي مأملتها

كانت تقول لها انتي لولدي
يوم كانت تحسبه بيطلع مثل اخوانه داشر
ويوم شافت انه لا قالت لا والله هذا صالح مايصلح لكم


حسبي الله عليها ياجعلها ماتوافق البنت ولايتم الخطبه يارب


والمشكله يابنات لو اخذها بعدين بتصير حرقه بقلبي كل ماشفتها
لان عمتي زمان خطبت اخت البنت الكبيره لزوجي بس البنت ماوافقت
وكانت عمتي تحسب ولدها تمام ويوم رفضت اختها قالت لها ليش قالت لان ولدك داشر
وعلى طول خطبتني وانا وافقت
ويوم سمعنا بسالفه له رحت علمت ابوي قلت الولد يدخن ويحشش ورفضهم ابوي
وتجي عمتي وتحلف يمين انه كذب وانهم عذال
وعمي يحلف بعد انه كذب
وبعد ماتزوجته اكتشفت انه صدق الكلام اللي جا بس ماقدرت اقول لابوي
لان اختي وبنات عمي قالو لي اسكتي لاتمرض جدتي وتتعب ويتفارقون اهلنا بسبتنا
حنا كلنا بالهوا سوا




واخت زوجي وعمتي كانو طووول الوقت يمدحون بنت اخت عمتي لزوجي ايام ماكانو يبغونها ويقارنونها فيني لزوجي ويطلعونها انها احسن
وحتى بعد زواجي يقولون لي ان زوجك كان ميت فيها و و و و
والحين انا خايفه انه اذا اخوه تزوج اختها اخاف يصير شي ويحن زوجي لها والا يتذكرها والا اي شي



وش اسوي بنات
ووش رايكم بتصرف عمتي
مو ظلم ؟؟!!!
وتحلف لي ولابوي انه كذب
ودي اقول لزوجي عن الحركه
وانها زوجت ولدها لبنات اختها وانتم زوجتكم لي انا وبنات عمي
مفروض رحمت اللي ابوها متوفي ع الاقل
وليش الظلم
الله لايتمم الخطبه ويجعل الولد نفسه يرفض يااارب
وياخذ بنت عمي الضعيفه
والله بتنجن لو صار صدق
حسبي الله على عمتي
يارب عمي يرفض يخطب منهم ياااارب





بنات اول شي مااقول غير حسبي الله ونعم الوكيل

قبل تردون حطو انفسكم مكاننا
زوجك يجتمع هو واخوانه ببيتك وانواع الخرابيط والدشره
ترضونها؟؟
وانا وخواتي مانقدر نتكلم عشان عمي
وحنا عايله مترابطه
ومتزوجين غصب على فكره
وترا البنت ميته على زوجي اللي تقول خايفه على زوجك اكيد ياقلبي بخاف عليه
البنت ميته فيه وسبب الرفض ابوها رفض يقول ماتاخذه
واللي تقول وش حارق دمك
اللي حارقه بنت عمي المسكينه اليتيمه
لا اب ولا امهات وعايشات عند عجوز
بالله مو حرام عليها؟
وبنات اختها الحمدلله والشكر
العبايات كتف ومخصره والعطر يفوح واللبس مايلبسن الا شورتات وتوب
بالبيت وبرا اذا سيرو علينا


ترا بيتنا جنب بيتهم جيراننا يعني


بس حطو انفسكم مكان بنت عمي مااقول مكاننا قبل تردون
وحسبي الله ونعم الوكيل

ولا مو كيفها تزوج ولدها وهو يبي بنت عمي وهي تبيه
عشانه صالح ماياخذها
تقول زوجوها ولد عمي الثاني الله يشفيه عقله على قده
ليش !! الظلم ؟؟؟؟