وانا اقرا انلحس مخي

لاني مو مستوعبه انو نوصل له التفكير

الوحده فيكن تكتب موضوع يجيب الهم ل القاريء

ولو احد رد قلتو ليش الهجوم وليه وليه وانواع التبليغات وتبثرونا كلن تقتبس وتسب

الحين انا مو متصوره صراحه اللي جالسه اقراه

يعني انتي تبين تمشين العالم ع كيفتس؟ ي اختي الزواج مهو غصب

المره تبي تخطب ولدها ل بنت اختها الله يوفقهم بنت اختها ترا

ولابعد من زين الامور تدعين انو م يتم الزواج ؟ اعوذ ب الله ليش طيب الحقد والحسد ؟

كونكم تربيتو انتي وبنات عمتس ف بيت واحد م يعني انو لازم نصيبكم يكون واحد

وان كلكم تنحشرون ف حموله وحده وانكن ي الاخوات تأخذن اخوان

تتكلمين وكلتس قهر وغبنه ليش ؟ عشان تبي تخطب البنت ل ولدها ؟ والمشكله تتحسبين

طيب انتي قذفتي البنت ب لفه يوم قلتي ( تعطي الصالح ل بنت استغفرالله) ؟

شلون ( بنت استغفرالله) انتي هنا تشككين ف اخلاقها انها ماش

ويوم تقولين تلبس قصير ومزلط ومادري وشو يعني خلاص ب سبب هالملابس اطلقتي الحكم

انها ( بنت استغفرالله) ليش يعني كل من لبست هاللبس تكون تعبانه وداشره ومش ولابد ؟

ورجلتس اول شيء تعذربين فيه ثمين تقولين ( احبه احبه واغار عليه)

يعني م عليش م عرفنا ليش كل هالاعتراض ع العمه عشان بنت عمتس ؟


ولا عشان اخت اللي ب يخطبونها وسالفتها مع رجلتس ؟


ولا عشان تلبس عريان ولا عشان رجلتس م يحتك فيهم ولا عشان غشتكم ف عيالها ؟

حددي موقفتس ؟ تقولين انتي ي طويلة العمر ان جاكم علم ان فلان يحشش وعلمتي ابوتس

ورفضتو عقب جات عمتكم واقنعتكم طيب انتي ليش توافقين؟


طالما العلم جا من برا ب يكون اكثر مصداقيه

من العلم اللي ب يجي من نفس العائله

يعني ليش م صدقتو الناس اللي برا ؟

واللي غالباً مالهم اي مصلحه ف انهم يكذبون عليكم لانو عرف عن الناس

المدح حتى لو الشخص ردي يمدحونو

وطبيعي الام والاخت ب يرفعون ف عيالهم ويخلون من الصالحين حتى لونهم محششين وخريجين سجون

يعني هنا الغلط غلطتس انتي
مع انو مادري ليش مقهوره ع هالنقطه وانتي تقولين

( احبه)

دام حبيتيه خلاص ادعي لو ب الهدايه ولا هجي بيتكم لين يتأدب ولا عاونيه ع العلاج

بس تجين وتسبين ف البنت عشان بس لبسها ؟ وتدعين ان الزواج م يتم ؟

هذا اصلاً م يجوز هذا حسد ولا تبررين حسدتس ف بنت عمتس وانها يتيمه وضعيفه

ليش هو م في رجاجيل الا عيال هالعمه؟


م كثر الله ف هالدنيا الا الرجال واطلق من عيال عمتس بعد

ورزقها اللي اله كاتبو لها ب يجيها

يمكن ربي كاتب لها زوج صالح اطلق من ذا

ويبيها تطلع عن العائله عشان راحتها

ونصيبها يكون متخلف تماماً عنكم

هل تعلمين انتي الحكمه من هالسالفه؟


ي اختي هذا اعتراض ع المكتوب يمكن الله كاتب لو يأخذ بنت خالتو وش دخلتس تعترضين وتتلقفين؟

غصب هو الزواج ؟


الحرمه تبي تزوج ولدها واعتقد انتس انتي حي الله بنت عمو م انتي امو ولا اختو عشان تعترضين

وتدعين ومير الدعاوي م هي ضاره الا انتي ل انها دعوه من غير وجه حق

حتى بعض الاخوات م يتدخلون ف خطبة اخوانهم وانتي تجين تدخلين ف خطبة ولد عمتس واخو رجلتس ؟

وسالفة انهم يجتمعون ويدشرون هالشيء انتو تتحملون غلطو ليش ساكتين؟ ليش م تعلمون كبيركم؟

عاجبكم هالوضع ؟ صدق انتي غريبه حتى وانا اقرا حسيت مادري شلون كنكم من كوكب ثاني

وترا عمتكم م هي ملزومه تخطبكم ل عيالها حتى لو كنتو بنات عمهم

عيالها هي اللي ربتهم وكبرتهم ومن حقها تختار لهم اللي تبي

وهي اختارتكن انتن لانو النصيب هيك


( حتى وان بعض العوائل ل شافو ولدهم زين يطلعونو والشين يدبسونو ف بنات العائله)


لكن ب النهايه م هي ملزومه ب كيفها


مثل م انتي لو كبرو عيالتس تختارين لهم اللي تبين بدون اي تدخل من فلانه وعلانه

ام وولدها وبكيفها وماسوت شي حرام
اسلوبك كنك انتي ام الولد وتبين كل شي على كيفك
النصيب بيد رب العالمين
تطمني لو بنت عمتك لها نصيب محد راده
بس اسلوبك بالمرة غلط تحاسبين ام ليه خطبت فلانه مو فلانه
رجال وامه وهم ادرى باللي يبون منتي وصيه عليهم تعلمينهم من يخطبون
واذا ماخطبو بنت عمتك الرجال واجد وبيجيها رزقها
اما سالفه زوجك واختها الكبيرة هاذي مالها سنع بالموضوع ابد
اجل لا يخطبها علشان زوجك لا يتذكر اختها ؟ تبين تمشين العالم على كيفك ؟
وحرام تغتابين جيرانك بهالشهر الفضيل علشان تقنعين نفسك انك صح
عباتها كتف والا غيرة لها رب يحاسبها ونصبيها بيد ربها مو بيدك
وكان نصحتيها قبل مو لما انخطبت لاحظتي هالشي وتكلمتي فيها من وراها
تظنين لو ربي كاتبها له بتقدرين تمنعين زواجهم انتي ؟

تبين تقنعيني ان كل عصبيتك علشان بنت عمتك ؟
عنوان موضوعك يقول غير كذا
(عمتي بتخطب لولدها بنت اختها... وانا؟؟ ليش تزوجني ذا؟)
مو ذنب البنت ان زوجك مو تمام واخوه صالح هذا نصيبك ونصيبها

لو تركض ركض الوحوش غير رزقك ماتحوش

الحين تقولين صالح
اغلب الي يمدحونهم يطلعون العكسسسس

يعني ممكن بعد الزواج يكون مثل اخوانه

وبعدين هي حره امه وتزوجه علا كيفها
وخليك من سالفة انها يتيمه وضعيفه الله فوقنا وبيرزقها مثل ما رزق البنات

وبعدين ياقلبي ممكن تاخذ له بنت اختها وتجرب عيلة غير عيلتكم وبعدها تندم علا بنت عمك
وبكذا بنت عمك يعوضها ربي بالاحسن فما ندري وش حكمة ربي

اوكي ظلمتكم بعيالها الدشير علا قولتك بس شوفي روحك تحبين ولدها ماشالله ومستوره ولك بيت
فلا تحرقين قلبك وصفيه وعسى ان تكرهو شيئا وهو خيرا لكم

وانا رأي انو مو زين اقارب ياخذون خوات وبنات عم وووو
زين الواحد يبعد..تعوذي من الشيطان وكلن بيجيه رزقه

فعلا. كل كلامها انها حزينه على بنت عمها

وانا اجزم انها خايفه من سلفتهم الجديده

يبون يكونون 6 سلايف من عايله واحده مايبونها تدخل بينهم


يعني السالفه احتكار

هي ام وبكيفها تزوجه اللي تبي

مالك اي حق تعترضين وتدعين وتسبين البنت وتتكلمين عن لبسها وغيره


ام الولد عندها عيون وتشوف كل شئ


انصحك بالابتعاد عن الموضوع كلياً لانه مايخصك


وهي زوجتكم خمسه ماقصرت حتى ولو انهم دشر على قولتك

يعني تبي تغير شوي


وبنت عمك الله يرزقها

يختي هذا نصيب وهي مؤ عشان زوجتكم عيالها يعني خلاص بتزوج هذا منكم
مرة تفكيرك علطططط مر معقولة هذا الشي مهو إخباري !!
وبعدين هذا نصيب لا تقعدين تدعين ع الرجال ع شي ربي كاتبه !!
الله يهديك بس موضوعك ينفرز!