عمتي تدعي علي بدون سبب .. حسبي الله ونعم الوكيل فيها

السلام عليكم ورحمة الله وبركاته

صباحكم سعيد جميعاً


موضوعي هذا تابع للموضوع السابق بخصوص عمتي الله يهديها

http://forum.hawaaworld.com/showthread.php?t=3271437

والظاهر اني بقعد انزل مواضيع عنها وماراح يخلص الكلام ..

المهم انا اكتب والله والدمعه طرف عيني تبغا تنزل ..

خلوني افضفض بس والشكوى لله سبحانه ..

قبل كم يوم كنت اتروش ( استحم ) ( اتحمم ) << للتوضيح بس عشان فوارق اللهجات

كنت دوبي طهرت من الدورة وانتو بكرامة وتعرفوا بعدها يجيكم شغل النظافة والتنتيف وما إلى ذلك .. بناتي حطيتهم عند السوني يلعبوا وتطمنت عليهم ورحت غرفتي وعمتي كانت نايمه في غرفتها ..

وشوي الا اسمعها قامت من النوم تصيح على البنات وين امكم وين امكم .. عاد انا قلت الله يستر شكلها ناويه على مشكله اليوم اكيد ..

الا تقول لبنتي روحي نادي امك تجي تغير التلفزيون تحط لي الرسيفر ..

انا كنت حاسه انها راح تقول هذا الكلام وقمت من قبل ما تقوله رحت اشيل بقايا الشمع وطبعا عارفين كم ياخذ من الوقت .. الا اسمعها تصارخ عالبنات روحي نادي امك .. وجت البنت قلت طيب قولي لها ماما تلبس وتجي على طول ..

راحت قالت لها .. ماما تلبس .. قالت عمتي (اش تلبس خلاص ما لبسوا الجن كلهم ) ......... بسم الله علينا .. اعوذ بالله منها هذي الكلمات داااائماً على لسانها .. لو قالوا ماما تصلي قالت تصلي صلاة الجن لو قالوا ماما نايمه قالت نامت العفاريت لو يقولوا ايش ما يقولوا لازم تدخل الجن والعفاريت في كلامها ..

المهم قالت مره ثانية روحي قولي لماما تجي ولا ترا بدق على بابا واعلمه ..

قلت يابنتي قولي لها والله ماما جايه بس تلبس .... ما ادري تبغاني اروح لها عريانه ولا ايش سالفتها .. وربي التلفزيون ما راح يطير ..

وسمعتها تدعي عليه تقول ( الله يقطع رزقك ) وهذي مو اول مره دااائما تدعي علي بدون سبب

وانا قاعده البس اسمعها دقت على جوال زوجي تقول ( تعال شوف حرمتك اقول لها تعالي سوي التلفزيون وطنشتني تراها قاعده تكلم بالجوال من ساعة في غرفتها وما عطتني وجه)... استغفر الله العظيم منها حركات بزران

دق زوجي عليه .. مرتين مارديت ..

ما رحت عندها إلا بعد ما حطيت الكريمات على جسمي وتزبطت ولبست عناد فيها عشان الحركات البايخه هذي .. ورحت صلحت لها التلفزيون .. وبعدين دقيت على زوجي .. سألته بكل براءة .. هاه حبيبي دقيت عليه .! قال ايه امي تقول ليه ما تصلحي التلفزيون لها .. قلت خلاص سويته شوفها قاعده قدام الاخبار .. قال طيب .. المهم فهم ان امه كانت تبغا تسوي مشكله عشان حاجه تافهه

----------------

ما ادري كيف عمتي اذا قلنا لها الله يحسن لك الختام تزعل وتقول ليه انا ما ني عجوز .. تفكيرها كذا .. واذا قلنا طيب انتي شباب ما شاء الله عليك يلا البسي وتميكجي واكشخي تقول لا والله انا عجوز


-------------------

اهلي عارفين انها مضيقه علي عيشتي .. من كثر ما اشكي عليهم .. بس مستحيل يتدخلون ولا يقولون لزوجي شي

-------------------

والله العظيم بعض الاحيان افكر في الطلاق .. قلت لزوجي مره برسالة جوال .. انا ما راح اقول لك اطرد امك لكن انا بنسحب من هذي الحياة اللي كلها مشاكل .. ولا انا قادرة اخذ حريتي في بيتي ..

زعل وعصب .. لكن ما في اي تجاوب ثاني ... ولا كأني قلت شي ..

وإلى الآن افكر والله في الطلاق .. كرهت زوجي اكثرررررر لما قالت ولدي كان يروح سوريا ولبنان والحمد لله سلم من الايدز ..........
------------------

ابغا اتطلق ياناس


حسبي الله على كل عمه تضيق على بنت الناس