عمتي تقولي كل واحد يفطر ببيته

بنات انا ساكنه مع اهل زوجي وزوجي يجبرني برمضان انزل اساعد امه
طبعا لي ثلاث سنوات احاول معه دون فايدة
هو لازم يفطر مع ابوه واخوانه ويقول امي تفطر لحالها انزلي ساعديها
وصرت اسووووي صواني وانزل قبل الاذان بشوي ونفطر واشيل السفر واغسل المواعين واطلع بيتي
واكون هلكانه لان بيتي دور ثالث والدرج عالي وبنتي اشيلها
وتعبت الحين جبت بنت عمرها ٦ شهور
وانا لي فتره بفتح لزوجي موضوع ماقد انزل عندي بيبي وتعب الدرج
والحمدلله جات من امه انها نادتني ع القهوه وقالت من ضمن السوالف وهي معصبه ماراح اسوي فطور خلاص
كل واحد يفطر ببيته
قلتلها والله حتى انا اتعب كلمي ولدك والله هو من زمان اقوله عمتي تتعب ووو وهو رافض
قالت خلاص العيال يفطرون مع ابوهم وكل وحدة ببيتها
لان زوجت ولدها الثاني وقايلها بجيب حرمتي
طبعا عمتي طبخها بس تسوي شوربه وايدام وسمبوسه
وانا كنت اسوي لقيمات خليه نحل حلا مكرونه انوع
وسلطات وكذا والمشكله زوجي ماياكل الا نوع واحد
لكن هي عيالها العير متزوجين يتشرطون نبغى بيتزا وخليه نحل وووو وعمتي ماتعرف تسويها لنا اسوي
والحين صح راح افطر لحالي بس راح ارتاح لاني راح اسوي على قدي فقط
والحمدلله جات منها صح تضايقت من اسلوبها بس فرحت
وبصراحه انا كل رمضان اجيها قبل الاذان بامر من زوجي وهي تدري بس اشوف التكشير والزعل بوجهها
وكنت يدي بيدها اصعب شييء تحسين نفسك ثقيله على ناس
طبعها هي مزاجيه فهمتوا شلون
الحين لو كنتي مكاني راح تتضايقي من اسلوب عمتك خصوصا كل رمضان قبلها تقولي هالكلام
انا ماراح اسوي فطور كاني انا اجبرها تسوي هي
الحين راح تكرف لحالها لان عندها زوجها وعيالها يتشرطون ولا عندها بنات
متزوجات
بس صحيح كنت احزن عليها لان والله من نخلص فطور المواعين توصل للباب واحزن عليها لان من الظهر وهي تطبخ
واروح اغسلها واروح بيتي اغسل مواعيني الي جمعتها علشان الصواني
ردو لاتسحبون علي الحين انا احس اني انجرحت من اسلوبها لي خصوصا هي تعرف انه ولدها جابرني