عمتي زارتنا وقالت إنها معزومه من الغلطان

مرحبا
عمتي جايه من منطقه ثانيه واتصلت على امي الجمعه الصباح قالت ابجي ازوركم الظهر امي قالت حياك الله ترى غداك عندنا قالت لا والله سامحيني ما اقدر اجلس اتغدى لان اخو زوجي عازمنا على الغدا انا بس ابجي شوي واتقعوى معكم واروح قالت امي حياك الله طبعا اهلي عادتهم في الويك اند ما يتغدون لأنهم يفطرون متأخر فيتعشون بدري المهم اتصلت علي امي انا متزوجه وجيت لم اهلي وأهلي وعمتي يتقهوون وحاطين حلا وشوية معجنات وعمتي تقول والله انها مفطره قبل ما تجي في مافيه وتقول ما ابي اكل شي اخاف اشبع لاني ابروح لم عزيمة غداء انا رحت لم المطبخ وقالت لي والله ما تسوين شي تعالي بس اشوفك قبل ما اروح المهم جلسنا معها وماشاء الله جلست إلى العصر واخوي يرسل لي الساعه ٢ قال اجيب غدا من برى وعمتي قالت لا لا انا معزومه يوم جاء العصر ويجون بناتها ويجلسون عندنا شوي وامي قالت لعمتي الله يهديك ما رضيتي نقوم نسوي غدا ولا رضيتي نجيب من برى على اساس انك معزومه قالت بنتها الي اصغر مني ب١٥ سنه كان قامت فلانه تهز طولها تقصدني انا سكتت المهم راحو ويوم راحو اخوي جلس يهزء فينا انا وخواتي يالي ما تستحون عمتي جالسه ذابحها الجوع وانتم ولا وحده فيكم فيها خير وووووو تنكدنا وانعفس البيت وصرنا حنا الغلطلنين بعد عمتي الله يهديها جايه على اساس انها ما تبي تطول لأنها معزومة على الغدا واخلفت علي اسوي اكل تقول تعالي لا تضيعين وقتك في المطبخ وانا جايه اشوفك وعيت على اخوي يجيب من برى ومع ذالك جلست إلى بعد العصر وجت بنتها الزغطوطه واحرجتني كني أصغر عيالها وبعدين طلعت وانعفس بيتنا هل حنا غلطانين