عمتي عذبتني وسببتلي حاله نفسيه ابي مساعدتكم

السلام عليكم ورحمة الله وبركاته مالي في المقدمات ابي ادخل في الموضوع وابي مساعدتكم لاني ماعرفت اتواصل مع الاطباء النفسيين عبر تويتر اللي تعرف تقولي وزيادة الخير خيرين بس ابي رايكم ومساعدتكم انتم بالذات لان قلوبكم طيبه واحب مساعدتكم لبعض
عندي مشكله نفسيه بختصرها لكم عندي عمه اخت ابوي زمان وانا صغيره بعمر المراهقه الين سن العشرين تقريبا كانت تعذبني نفسيا مدري اش السبب ليومكم هذا هو تسلط هو مرض فيها هو كره وحقد مدري والله او انها تحط حرتها من امي فيني
اللي كانت تسويه انها تفتش غرفتي واغراضي وتستقعدلي وتحطمني على مدار 7 سنين تقريبا مااوصفلكم كيف كانت وراي في كل شي اكل اطبخ البس اجلس اقوم كل شي تستقعدلي فيه وتحطمني وتضربني كانت اكبر مني بينا حوالي 8 سنوات وانا كنت اخاف منها احيانا اسكت لان شخصيتي هاديه واحيانا امي تشوفها بس تسكت او تاخذ الامر بهدوء تعرفون حريم اول مو كل شي يكبرونه وكل شي ياخذونه ببساطه
المهم عمتي عذبتني على مدار هالسنين كانت تضربني كل يوم وتسحب شعري وتسمعني كلام ماينقال يا ويا ويا والسبب يكون تافه بس تكون احد كدرها تحط الحره فيني بحكم اني البنت الوحيده والباقي عيال
ماتقدر فيهم اتوقع حاله نفسيه فيها والقهر انها جاتنا وانا بعمر 14 يمكن اذكر توي بلغت يوم جات وكنت يالمتوسط بس مدري اي سنه بالضبط ومن 14 الى 20 تقريبا يعني سن مراهقه وتعب
استلمتني في احرج سن يعني على اللي تسويه كنت بمرحله حرجه
عذبتني عذاب كانت تخرعني في الليل فجأه القاها واقفه قدام وجهي وانا نايمه افتح عيني القاها واقفه في الغرفه اسوي شي القاها تزيد عليه بهارات وتكبره لين يرفضونه اهلي
والله ماكان فيه سبب من طرفي او من طرف اهلي يخليها تسوي كذ
ماعلينا انا الحين حرمه كبيره تزوجت وعندي ولدين وعمتي تزوجت وعندها عيال المشكله الحين انها ساكنه في نفس الحي وكل يومين ثلاثه تجيني والوضع طبيعي
من هالسطر بقولكم مشكلتي لان اللي راح كله مهو المشكله لانه ماضي راح وانتهيت منه
مشكلتي من يوم تجيني او اشوفها تجيني حاله نفسيه بدون سبب مع اننا علاقتنا زينه ومافي شي والماضي ولى ولاتتذكره هي ولاتدري اني اعاني منها
اذا جاتني او شفتها في اي مكان تصيبني حاله غصب عني تصير ايديني ترجف واتوتر وعرقي يتصبب والخوف يسيطر علي واذا صرخت على احد من اطفالها ادخل في الخيال واحسها تصرخ علي
واعيش الدور واصير قلقانه شعور مااقدر اوصفه قلق وتوتر ورجفه وبلع ريق الخ
يابنات علاقتنا الحين طبيعيه وزينه بنت وعمتها زي اي ناس بس هالحاله مو راضيه تتركني اذا شفتها
حاولت اسيطر على نفسي واكون ريلاكس واقنع نفسي كل شي تمام والماضي انتهى واقرا قراءن عشان اهدى قبل ماتجي
بس مافي تحسن طول الجلسه خايفه منها وقلبي يخفق ومابي عيوني تلتقي بعيونها واتخيلها بتقوم تضرب في اي لحظه
ارجوكم اعطوني حل الوضع متعب ماصرت اتحمل ابي اكون طبيعيه معاها خصوصا انها عندي اقل شي مرتين بالاسبوع تجيني . احيانا ابكي على نفسي اشفق على حالي يوم ترجع بيتها اقول اشفيني ليش كل هالخوف منها علما ان شخصيتي قويه وقياديه في بيتي ومرحه واجتماعيه وعندي صديقات وناس واحب الفله وعندي وظيفه يعني هي الوحيده اللي كاسرتني ابي حل تعبت وادعولي :(