عمتي وتكسير الباب آخر الاخبار

السلام عليكم

هلا خواتي ..انا سابقا كتبت موضوع عن عمتي كيف زاعجتني من هالناحية وكيف تضرب الباب ضرب بحيث تبقى ساعة واقفة على الباب وضرب مستمر وبقوة رايحة وجاية ضرب الا افتحه واحنه نايمين وفاتحتها بالموضوع كم مره وقلت لها مايصير جذي تقعدينا من النوم وتقعدين بنتي الصغيره ..قالت لي كيفي مكان ولدي متى مااجي اجي مايهمني اذا كنت نايمه اولا ...والله هالكلام نرفزني زياده

طبعا زوجي واخيرا حس بمعاناتي لان استغرب من الي تسويه قلها يايمه مو زين تسوين جذي طبعا هو مايرضى على امه وكل يقول تحملي بس انا شنو ذنبي اتحمل هالازعاج يوميا مااقدر ارتاح في نومتي وتقعد بنتي وضربها مو ضرب طبيعي علشان اتحمل..تحملت بما فيه الكفايه والحين زايدة في الضرب

قالت لبنتها اخوك وزوجتة هاوشوني مايبوني اضرب الباب والله زوجي ماهاوشها وكلمها باحترام وخايف يجرحها حتى عقب ماكلمها قلها يمة اخاف هالكلام ضايقك قالت لا ..واخته حضرتها متصلة بزوجي وسوت له سالفه وقالت له زوجتك لااااااااااااااازم تتحمل امك حتى لو تضرب الباب جذي وقعدت تنتقد فيه وتوز زوجي علي تبيه يوقف مع امه حتى في الغلط.. ..شفتو الجهل ؟؟ يعني المفروض تخبر امها ضرب الباب بهالطريقة غلط مو توز زوجي علي وتسويلي مشاكلل حسبي الله ونعم الوكيل ...ليش الزوجة مو من حقها ترتاح ؟؟ وهي لو فيها خير كان خدمت امها مو قاعدين يحاسبوني كانه واجبي اخدمها واتحمل ازعاجها ...ام الزوج على العين والراس بس المفروض تبقى في حدود ومايتعدون على حقوق الزوجة ويدخلون بحياتها الخاصة..والله حتى غرفة نومي تدخلها بالغصب مرات حتى لو ماراضيه اقول لها اقعدي في الصالة تقول لا مااقعد في الصالة ريحة طبخ ودخلت الحجرة وقعدت بالغصب وتدري فيني مو راضية ..اليوم زوجي نايم الا تدخل تشوفه مسكتها اقول لها عمة نايم اذا صحى اخليه يكلمك تقول لا ابي اشوفه الحين وتدفعني بقوة وتبي تدخل الغرفه بالغصب وانا مو راضيه!!

ماادري شنو اسوي مع هالناس الي مايحسون ولا يخجلون اول مره اشوف عيون صلفة لهالدرجة :(

والله النوم طاير من عيني افكر بتصرفاتهم واذا الشخص يطالب بابسط حقوقة يصير بنظرهم مو خوش انسان ومايستحي