عمتي وزوجها الغريب العجيب الحقوووها قبل تنهدم حياتها الحكيمات ادخلو

السلام عليكم
بنات مدري كيف ابدأ والله احنا في هم مايعلمه الا الله <<< الله يفرج عن عمتي و عنكم
والله لنا اسبوع وحياتنا معتفسه فوق تحت حتى النوم ماننام زي الناس
القــصـة ..
هذي عمتي سبحان الله تعقدت امورها كل مايجيها عريس تتكنسل الخطوبة وواحد من العرسان مايأس صار يخطبها لين كبرت وصار عمرها 40 المهم وبحول الله وقوته تيسرت امورها وتزوجت قبل سنتين والله فرحنا لها فرح مو طبيعي
وزوجها ماشاءالله غني ويقرب لنا وبنى لها فيلا فخمة (جنة ماشاءالله تبارك الله) البيت من برى كشخه ومن الداخل فخامة ماصارت ماشاءالله المهم

المشكلة هنا << من تزوجت مالمسها نهائيا يعني للحين عذراء حتى الدخلة ماصارت
تقول مايقدر كل ماحاول يجيها يجية زي التشنج ويتراجع وصار مايحبها ويبعد عنها واذا دخل البيت تجية ضيقة وصار مايهتم فيها اغلب شي اخوانها يهتمون فيها
وهي عادي تقول احس نفسي طبيعية مو حاسة بشي غريب
المهم عمتي صبرت سنه ماعلمت احد ان زوجها مالمسها وبعد سنه علمت اخوها وعلم اخوانه
وزعلوو مره وصارو يراجعون فيها لشيوخ وجابو شيخ لبيتها وقال مافي سحر
وزوجها تقوله يروح للشيوخ يرقونه ومايروح اصلا يكره الشيوخ ويهرب منهم
...............................................

المهم قبل اسبوع زوجها اتصل على اخوانها وقالوهم تعالو خذو اختكم (عمتي)
حرام لي سنتين ماسكها معي وانا مااقدر المسها
واذا تبغوني اطلقها راح اطلقها واذا تبغون تاخذونها عندكم لين اتعالج وارجع اخذها

المهم اخوانها عصبوو وحلفو انها ماترجع لها لو يموت وراح يخلونه يطلقها

عمتي انهارت وجاتها صدمه نفسية (ياقلبي عليها وربي قطعت قلبي) و لها اسبوع تبكي وماتاكل ابد
شفتو الانسان اللي محكوم عليه بالقصاص صارت مثله يأست من الحياة كلها
تقول ماابغى اتطلق وانا عمري بالاربعين عادي اعيش معه بدون يلمسني اهم شي مااكون مطلقة وانا بهذا العمر
لان جماعتنا الطلاق عندهم فضيحة كبيرة ومحد يتطلق مهما وصلت بهم الظروف
وحده تقربلنا زعلانه من زوجها 7 سنين وماطلقها ولا يشوفون بعض بس جالسه عند اطفالها كذا
يعني ماقد حصل عندنا طلاق نهائي (( اقصد يحصل طلاق بنفس القبيلة من بعيد بس احنا جماعتنا واقاربنا مايطلقون ابد ))
يعني عمتي راح تكون اول ضحية طلاق وهي ماصدقت انها تتزوج
معقوله يكون الللي فيهم حسد والا ايش طيب كيف اخفف عن عمتي كل ماحاولت اكلمها اجلس ابكي ع حالتها

بنات الله يسعدكم ساعدونا واللي تعرف رقم استشاري او شيخ يحل المشاكل عشان يكلم اخوانها
وبرأيكم لو انتو مكانها كيف تتصرفون افضل الطلاق والا تعيش معه وماكأنه زوجها

ادعووووولها وربي انها انسانه طيبة وخلوقة وحنونة بس نصيبها وحظها كذا
حسيت الطيبين مالهم حظ ( لاحول ولاقوة الا بالله