عمتي وزيارتها الغريبه لي قبل كل

مساء الخير
انا سبق وذكرت اني أزور اهل زوجي مره كل شهر أو كل أسبوعين ما أطول فقط مغرب تأدية واجب احيانا عمتي ترسل لي الظهر تقول ابزورك شوي هي ساكنه جنبي صراحه ها الوقت مو وقت زياره ابدا انا اكون مشغووووله إلى راسي ما عندي عامله وعندي اطفال ٣ والي يتعلم الحمام والبيت حوسه واحظر الغدا وبنتي بتوصل من الروضه وكركبة مواعين ولوية وشكلي مبهذل اشرع اجهز كل شي واتروش اخلص الغدا وااكل أطفالي قبل ما يوصل زوجي عمتي الله يهديها دائم اعزمها هي وبناتها قهوة مغرب على رواق وتعتذر بس تحب سبحان الله تزورني في وقت حوستي وانشغالي واذا جت تكون مره مستعجله كنها ملحوقه تقول فقط ابسلم عليكم وامشي وترفض تشرب حتى كاس ماء وصامته مافيه سوالف ولا شي انا ابتسم واسولف وهي سرحانه مدري ليه تزورني وهي كذا اذا قصدها بتشوف احفادها انا ارسلهم مع ابوهم اذا زارهم ما احرمها منهم الي مستغربه منه انها تتزوري بهذا الشكل وهذا الوقت اذا كان بيصير عندهم عزيمه ثاني يوم بس ما تعزمني ما ادري ليش مع اني اجيب معي طبق ما ادري ايش قصدها من هذه الزياره هل تخاف اطب عليها وهي عندها ناس انا محترمه اصلا ما ازورها الا بموعد أستأذن منها قبل بيومين يوم خبرني زوجي ان عند امه عزيمه قلت بنفسي كان عزمتني بدل ماني مقابله اربع طوف بدل ما تجيني فترة الظهر وهي كارهه وانا مشغوله وتدوشني صراحه شي مستفز