السلام عليكم ياقمرات
بما ان الجو اليوم جميل وخلاب
قررت زعيمة البيت الخروج لترفيه قبل صكة الامتحانات
ومالكم بطويله
ضفيت عفشي وصلحت الغدا وهاك يركض :angry:ولبست عيالي وكل شوي داخله طالعه واحس عندي احساس ممتع لطلعه
الا ابي اطلع وقايمه من 9ونص
المهم قيس رفض الخروج معنا واضرب عن مرافقتنا
وانا لازلت بإحساسي الممتع وقبل الطلعه قلت لشغاله جيبي فرشه ثانيه يمكن الله يمن على قيس بالهدايه ويفاجئنا ويجي
هههههههههههههه
امحق ماحولي احد ماغير اشرب هالشاهي وتلفت حسيت الناس الي حولي بيقولون اما مباحث ولا بتفجر من كثر ماتلفت وناظر
ايه نسيت اقولكم اني طلعت لحديقتي القريبه من بيتنا
ويالله من فضلك العيال يلعبون ومبسوطين
والله يسامح اهلي اليوم ماجاني ولا اتصال منهم كان اشغلوني عن التلفت
وتغدينا انا واحلى مافي الكون عيالي وصلينا
ادري بتقولون تحكي قصت حياتها
بس الموقف الي بيجي عقب الصلاة السموحه منكم طولت
ونتشروا عيالي في انحاء حديقتنا وجالسين يلعبون كوره
يجي ذاك الرجال وزوجته وولده ياعمري عليهم بسلتهم يبون يتقهون الا شوي يتوسطون الحديقه ياويلي قلبي :44:بدون فرشه او بساط تحتهم قمت انتفض من البرد يوم شفتهم الا ااشر لودي الله يحفظه وقول حبيب قلبي ابوك ماجا معنا ماعليه حسوفه
عط البساط الي يستاهلون ماشاء الله مطلع غزاله معه وعياله
قام الولد وسلمهم العهده وقام يشكر وليدي ويدعي له
والله لو ان المره جلست على الارض البارده ان تقوم فقرات ظهرها تصافق وتقولن على الهزاز
بس فضل من الله انه معي بساط احتياط
زبدة الموضوع جت تسلمني الحرمه العهده بعد منتهى اجتماعهم الله يوفقهم وتشكرني وياعمري عليها تقول جت بوقتها
عاد جيت مدرعمه واولها
عليكم بالعافيه
بالله قد شفتوا احد ياكل بساط
خخخخخخخخخخخخخخخخخخخخخخ
قسم بالله فطست ضحك قلت بدل ماقولها اهم شي ارتحتم ولا تستاهلون ولا عسى انبسطتوا
كل العبارات جت بعد ماغادرت الحرمه المكان وانا اقول يارب ماسمعت
ياعمري انا وهالحماس مدري متى بركد
والي سوت سواتي تخفف على وتقولي عشان احس اني مو الوحيده في الموقف
يلزم عليك تسجيل الدخول أولًا لكتابة تعليق.
ههههههههههه
مشكوره اختي هذا عمل خيري تشكرين عليه لسى الدنيا بخير والحمد لله00000000
الله يهدي زوجك ويخلي لك عيالك يسوون الدنيا كله00
مشكوره اختي هذا عمل خيري تشكرين عليه لسى الدنيا بخير والحمد لله00000000
الله يهدي زوجك ويخلي لك عيالك يسوون الدنيا كله00
الصفحة الأخيرة
ماتلخبطت الافكار وردود الافعال السريعه