عمركم شفتوا خطيب يرسل لخطيبته على انها واحد من ربعه

صباح الخير

اه من امس وانا صياح عيوني نشفت من الدموع انا اللي غصبوني اهلي على واحد متزوج عمره 40 عنده عيال , اخر المستجدات دقت امه تقول ل امي ان العرس في بيتنا بيجي ياخذني ونمشي هم اول شي قالوا لنا ان العرس في قاعه صغيره ومختصر ع الاهل ورضينا ويوم شافونا ساكيتن زودوها , امي وابوي مبسوطين يضحكون انا طحت ع الارض اصيح مو مصدقه كيف مرخصني بالمهر ولا شبكه وعرس في بيتنا اه ياقلبي ليش ليش , حسيت ان عمري 40 وعندي 10 عيال
عشان يسوي فيني كذا
رحت اخذت رقمه وارسلت له رساله قلت ممكن اعرف ليه العرس عائلي ؟ والله توقعت بيدق او اقلها بيرسل كلام حلو وقلب وكلام معسول انصدمت انه جاف قال لي اذا تبين عرس سوي يقصد بفلوس المهر , يقول براحتك سوي اكبر عرس بالرياض بكيفك , تخيلوا انا منصدمه لا كلام معسول ولا كأني خطيبته
قلت اكيد اخر الليل بيدق انصدمت مادق ولا ارسل ولا فكر , ازواج خواتي ايام الخطبه بيموتون على خطيباتهم وكلام غزل لدرجه وحده من خواتي انزعجت من كثر مايتغزل ومتلهف على يوم العرس وانا طيب ؟

فتحت التويتر حقه لقيته كاتب كلام في زوجته شعر وكلام ليه رحتي وتركتيني زي كذا , لانها زعلانه في بيت اهلها
وحاط قلوب وارجعيلي انتي كل حياتي وانتي وانتي اه
اذا هذا اولها وش يصير في تاليها ليش , حسبي الله ونعم الوكيل بس اه اكتب لكم الحين وانا مااشوف الشاشه من البكي
عمري 24