عمركم شفتوا واحد ياخذ اجار شهر كامل وهي اصلا ما وصلتني غير 11 يوم !!!

أشحالكن خواتي إن شاء الله مرتاحات

والله من القهر ما أعرف من وين أبدأ وشأقول
المهم أنا أدوام ثلاث أيام بالأسبوع وكنت متفقة ويا السواقة توصلني وأحسب لها فلوسها يوميا
مو شهريا لكن زوجة أخوي قالت لها أنها إذا كملت معاي الشهر تاخذ فلوسها كاملة يعني أحسبها شهري المهم السواقة قامت تتأخر علي واااايد وأرد البيت متأخرة وكل يوم تتطلع لي بعذر وأنا الصراحة أقول إلها مسموحة لكن طفح الكيل وعصبت منها وااايد مع انها ماخذة فلوسها الشهر الماضي كاملة وضعف بعد وأنا ما داومت غير 11 يوم بس!!!! واتخيلن خواتي خذت أجرة شهر كامل
والبارحة اتصلت عليها وقلت لها خلاص ما بسير أوياج بشوف حد ثاني قالت ليش قلت لأنج مو منتظمة ويااي قالت أوكي عادي (الله يوفقج) إن شاء الله تحصلين غيري قلت لها اعطيج فلوسج كاملة وزيااادة وما تلتزمين بمواعيدج قلت لها لو ان احد نقص من فلوسكم درهم واحد بتقومون الدنيا على راسي ولا بتسكتين عن حقج لكن الناس لا عادي ما تلتزمون معاهم ا, كأنكم توصلونا بلاش مثل ما تبون فلوسكم كاملة أدوا شغلكم على أتم وجهة قالت آسفه والسموحة منج قالت بحسب الثلاث ايام من هالشهر ضمن الفلوس اللي عطيتيني اياها قلت تعالي اخذي فلوسج وربج هو حسيبج
واليوم حضرتها ياية تسأل عن فلوسها اللي ما تستحي شوفو الوقاحة يعني قلت يمكن بتحسبها ضمن الفلوس اللي اول عطيتها والله انها ما استحت لو غيرها وتخاف الله جااان قالت بطيح من الفلوس وانها عطتني ضعف الضعف لكن الطمع اعوذبالله منه والله اني كنت صابرة على لقافتها وتدخلها باللي ما يعنيها شافتني طيبة قامت واستغلتني :icon33:
وعطيتها لانها أوصلت بيتنا والله اني انصعقت يوم شفتها ياية ترى في نوعية من الناس ما تستحي ولا سمعت في شي اسمه حياء ولا خجل انا استحيت يوم شفتها والله هي عااادي عندها ولا استحت ولا خافت من الله اني يراقبها وشغلها ما تأديه على الوجه المطلوب شرات الخدم وأنا عطيتها خفت أظلمها لكني مفهوررررة منها بشكل ما يتصور
عمركم شفتوا واحد ياخذ اجار شهر كامل وهي اصلا ما وصلتني غير 11 يوم !!!
لكن ربي يعوضني
والمفروض اني اطيح من الفلوس لانها أجيرة عامة مو خاصة وتوصل 100 وحدة غيري!!!!!!!!!