انا مره صحيت وانا مفزوعه على صوت قوي احسبه انفجار واثره رعد وجلست اسمي وادعي دعاء سماع الرعد وفيه مواقف ثانيه بس ماتحضرني اللآن

انا مرة ايام ما كنت عروس زوجي كان يحب الحنه في الايد ونا جايه كاشخه متحنيه بفاجاه ويوم صعدت له فوق وهو سمع صوتي كان في الحمام عزكم الله طلع ولا يطيح واجي اخذة على الكرسي يرتاح وهو متالم حدة وانا متعومسه عليه وفجاة بدون سابق انذار مسك يدي وقام يقلبها ويضحك انا نسيت سالفة الحنه والله اني قمت ابكي وارجف قلت الرجال تلبس وانحشت من الغرفة استنجد بخالتي ولا هو وراي مستغرب مني اثاريه فرحان بالحنه خخخخ

انا بقولكم قصتي اللي تعور القلب ...

اذكر ليلة 20 رمضان ...

عقب الفطور حطيت راسي وغفلت شوي ....

ماوعيت الا اختي عند راسي تواعيني تقولي راعبيه قومي ... بابا زايد مات ...

ماادري كيف شلتني ريولي وطلعت الصاله وماكنت مصدقه الخبر الا يوم عادوه كم مره ..

وكنت واقفه جدام التلفزيون متسمته قلت يمكن حلمانه ..كنت تعبانه وقلبي يدق بسرعه ...

وفعلاً اقتنعت يوم شفت الجنازه اليوم الثاني:( ...

الله يرحمه فديته وينور قبره ويجعله هو وجميع امواتنا في جنات علا قولوا آمين ..

موضوع يجنن
انا مرة كنت نايمة وصحيت و على طول اخذت تليفوني ولا مسج بكل برووود و كسل قاعده اقرا المسج و الا عمي يقولي عظم الله اجرج ---------> جدتي توفت وانا مادري و اهو يحسبني ادري
رحت ركضضض حق امي وابوي قتلهم صج يديدة توفت ؟؟ قالوا ايه الله يرحمها
وتميييت فترة عندهم استغفر الله مادري شفيني :(
الله يرحمها يااااااارب ويرحم جدي ويرحم موتى المسلمين

انا مره خاامده وناايمه في امان الله وكنت ادرس بالكليه وغبت ذاك اليوم الله لايعيده

ماادريت الا اسمع صووووووووووووووت انفجاااار مهما اقولكم ماتصدقون وحمامي طااحت مروحه الشفط والسيراميك كله طااح
والشبابيك تكسرت والله ان البيت مهتز
انا على طول قلت اكيد يوم القياامه مابعد هالي شفته شي :(

صار الانفجااار الكبيييييييير الي صار بالثلاثين يمكن اول انفجااار صار هو مابعد تعودنا على الانفجاارات :(
وبيتنا قريب مره حوله
وعاد عقبها اسمع صوت الاسعافات والشرطه والله انا وخالتي ام زوجي انهبلنااا انا اقول ياليتني ماغبت اليوم ورحت الكليه وهي تقول الحمد لله انك غبتي اليوم وجلستي معي خخخخخخخ

بس صرنا مشهوورين كل العالم جت تسلم علينااا خخخخخخخخخخ وانا تعبت من كثر ماقمت اقص القصه وكل مره ازود عليها بهارات شوي مع التحمس خخخخخخخ

الله لايعيد ذاك اليوم بس الحمد لله كنت توني مابعد جبت عيال والا كان انهبلو عيالي