عمرك قلتى هذا الكلام بعد العرس

الملتقى العام

الأولى : ايش اركبوا السياره وكل وحده تنتبه لا تصك باب السياره على عبايتها وبمجرد ما انقفل باب السياره 00بدأ الأستديو التحليلي 00اسمعوا ما قاله وما يقوله النساء بعد كل زواج0
فيك تأخرتي؟

الثانيه : ساعه قاعده ادور على عباتي 00انتي ما شفتي الحريم يتضاربون عند العبايات العبايات تلخبطت

الثالثه : يا ليتنا ما رحنا زواجهم



ليش؟



الثالثه : زحمه والبزران يتضاربون بقشر البرتقال ويلعبون بالمويه



الأولى : ما شفتي ذيك اللي كبت القهوه على الحرمه اللي كانت نايمه؟


الثالثه : لا والله ما شفتها 00انا ما شفت ولا شي في الزواج 00طول الوقت قاعده ادور على جزمة بنتي مها

الثانيه : ايش رايكم في الفستان اللي لابسته خلود؟

الأولى : مو حلو 00محنقط عليها والسحاب باين

الأولى: انا اعجبني مكياج أمل 00تقول ان زوجة خالها جابته لها هدية من باريس

الثالثه : هههههه من باريس تضحك عليك يا هبلا 00تلقينه من محلات ابو عشره

وقــــــــــفه...... فاصل اعلاني ..الجوالات ادهرت شوي

الغريب والعجيب انهم واثناء حديثهم في السياره يقولون لبعضهم 00خلاص يا بنات بس 000ترى ما يجوز نتكلم على الناس0
تكـــــــــــــ
ـــــــــــمله

الثانيه : صح والله كلامك يا اختي 000ما يجوزنتكلم عليهم 00بس شفتي الحرمه اللي كانت قاعده جنبي على العشاء وتقطع لي لحم؟

الأولى : ايوه شفتها 00هههههههه متوصيه فيك 00شكلها بتخطبك لولدها

الثانيه : وجع في شكلها هي وولدها 00قاعده تقطع لي من اللحم اليابس اللي ما ينوكل وهي طايحه في اللحم الزين0
العشاء

ايش رايكم في العشاء



الثالثه : دسم وكله شحم

الأولى : بارد

الثانيه :اللحم يابس

الثانيه : وفيه حريم ما تعشوا 00قاعدين على الكراسي اللي في الكوشه 00شايفين نفسهم

الأولى : حتى ام العروسه 00ما تعشت مسكينه 00طول الوقت قاعده تبكي

الثالثه : هههههههههه تبكي من الفرحه يا هبلا 00ما شفتي صدرها منتفخ من الفلوس

بس 00خلاص 00ما يجوز 00 صح والله 000ما يجوز 000بس شفتي 000وشفتي 00وشفتي

واخيرا وصلنا المنزل

00شوفو لي حبتين باندول اكسترا
متقول
4
614

يلزم عليك تسجيل الدخول أولًا لكتابة تعليق.

تسجيل دخول

البـــــــ أم ــــــــراء
يعطيك العافيه اخت زكيه فعلا شي واقعي وهذا للاسف اللي يحصل الناس تركت عيوبها وانشغلت بعيوب غيرها لاكن مانقول الا اللهم اهدنى فيمن هديت وعافنا فيمن عافيت
♥● نوران ●♥
♥● نوران ●♥
هلا واقع يضحك والله هههههههههه
الدره المكنونه
ا لسلام عليكم ورحمة الله وبركاته


الحمدلله مريحه راسي ولا احضر افراح

لكن هذا هو حال النساء في اي اجتماع موضروري فرح حتى لو عزا
السمسومة
السمسومة
وياليت على هااليوم وبس الحكي

لازم يوم او يومين الوحدة تقعد تعصر راسها وش صار عشان تعلق علية

الله يتوب على الجميع