انا طبعي اهتم بنفسي من صغيره لكن بعد عمر 30 بديت اكثف في الاهتمام يعني بديت استخدم كريمات تمنع التجاعيد اللي هي من رويال حسب قدرتي الماليه يعني معناه الكريمات الزينه تكون غاليه وانا بعد ما عندي فكره عنها غير رويال اللي مداومه عليه سنين ونتايجه حلوه وكريم الشمس طبعا بعد لازم يكون ضد التجاعيد وكريمات اليد احاول اييب شي يرطب ايدي على طول وجربت وايد كريمات لكن ماترطب ذاك الزود اذا عندكم فكره خبروني حتى النيفيا ما يرطب كثير حاليا استخدم كريم عادي لكن احسن شي استخدمته اسمه 21 حتى الفازلين صح جل بس احسه يسود وما ينفع الا ينحط وقت النوم لانه يلقط الغبار واكيد الغبار العدو اللدود للبشره
لجسمي بعد الحمام اغلب شي استخدم زيت جونسون بيبي

والحمد لله صح عمري 36 وانا اكبر خواتي وام عيال بس بشهادة معظم الناس يعطوني اصغر عن عمري ويفتكروني اناالاخت الاصغر وفي ناس تفتكر بعدني ما تزوجت

لكن ماعندي فكره عن الكريمات القويه واسماءها اللي عندها فكره تخبرني

يعطيكم العافيه عالتفاعل
الله يسعد كل بنت ردت وفادتنا بتجاربها

كنت اتمنى بنات اكثر يدخلون ويكتبون تجاربهم
اللي تعدت ال35 وش صار على بشرتك انتي من اللي يهتم او العكس وهل شفتي نتايج


من خبرتي المتواضعه ومعروف عند الكل
الغذاء من الداخل + الترطيب ثم الترطيب

الفيتامينات روووووعه كبد الحوت وغيرها على حسب احتياج البشره بشرتي تكون ذبلانه وجهي ضعيف من اشربها الاحظ تحسن ملحوظ ماشاء الله

الترطيب طول اليوم في الليل زيت زيتون او فازلين زيت اللوز المر زيت الاركان او كريمات وضيفي عليها فيتامين اي
في النهار كريم مرطب واقي شمس
تقشير البشره مره اسبوعيا سكر زيت زيتون ودلكي
ماسك مغذي وماسك مرطب اللي متوفر عندك عسل سدر حليب اهم شي نحط منها مره او مرتين في الاسبوع

اشياء بسيطه تطيل عمر البشره
زبدة الشيا الخام من اروع المرطبات ضيفيها على كريماتك وخاطاتك ترطيب مكثف
الجفاف وسؤ التغذيه اعداء للبشره

مظلومه وايد >> ماشاء الله تجربتك تزيد الحماس وتعطينا امل ان الاهتمام فيه نتايج مشكوره ياقلبي والله يديم عليك الجمال ^_*


دنو >> فديتك يالغلا مااصدقك انتي ارجعي للقروب وقتها اصدق انك تسنترين في الموضوع هههههه الله يسعدك

احلام في اوهام ننتظر تجربتك حبوبه

الله يفرج همي وهمكم وييسرها من عنده
الحاله النفسيه لها دور مهما سويتي من عنايه ابدا ماتظهر وعن تجربه الله ياجرنا