من حقها تتزوج وتتونس يعني تبونها طول عمرها وحيدة !!

وتوها 45 ماهيب كبيرة الرجل بعمر 45 يقولون له شاب

ويمكن الله يرزقها بخلفة لأن اقصى حد لليأس 55

واستغرب للي تقول وش تبي بالرجل وهي ماعندها اعيال!!

يعني الحريم العقيمات الحين اتركن ارجالهن وقعدن عند اهلهن؟؟؟

لا والله لو أنا منها لاتزوجه والتوفيق بيد ربي
وخلها تحافض عليه هالمرة
على الاقل بيت زوجها أفضل بكثير من بيت حريم الإخوان

استخيري الله
وانتي لك كل الحق والفرصه لـ عيش السعاده والحب والاسره من جديد
موفقه يااارب

اعوذ بالله يابعض الحريم
ودك ينقطع لسانها ومعاد تتكلم
وش دخلهم فيها وفي حياتها ؟؟
وليش يقولون بتتطلق ؟؟ اعوذبالله منهم

اقولك بشريها وانصحيها اذا هو كفو ورجال تستخير وتتوكل على الله وتتزوج ...
عندي بعايلتي كذا تجرربه
وصدقيني يمكن ربي يرزقها ماتدرين
وبعدين الحرمه مالها غير الزوج من بعد اهلها
خليها تتزوج ولا عليها في احد الله يوفقها ويسخره لها
عندي امل كبيرررررررررررر انها بتحمل ان شاءالله
خليها تعيش مكرمه عندها زوج
وصدقيني حتى لو ربي مارزقها امكن عيال زوجها يحبونها
ويعزونها اذا هي بنت حلال

وين المشكله لو تزوجت ؟
مجتمع متخلف كل شي للرجل يعني هي ماعندها احتياجات ؟ حتى لو كبيره حرام تنبسط يعني وتعيش الي
باقي من عمرها ويمكن عيال زوجها يصيرون اولادها ويحنون عليها وينفعونها بعدين
والي خاطبها اكيد عارف كل شي وهو مرتاح ويبغاها ليش يتدخلون بحياتها ويتكملون عليها
والرجال لوانه عمره 90 سنه وبينه وبين القبر سسم يقولون عادي ياخذ وحده تسليه وتخدمه والمراه لا حرام تتزوج

لفت نظري التقييمات صدق نفسسيات والله . الي قالت خلوها تتزوج على طول تقيم احمر والي تقول لا اخضر
بنقول راينا غصب وحمرو لين تنصرعون