عمرها سنه وتتشنج من العصبيه ساعدوووني

يا حلوها شكلها عبيطه ههههههه الله يعينك عليها

بالنسبه للتشنج والقراده:hahaha: ماعندي فكره

وبالنسبه لمشكلة النوم دايم وأنا أقول لأخواتي نظموا عيالكم على شي محدد من يوم هم صغار

ويتتريقون علي يقولون كننا في الجيش :(

يعني لو تعودينها من بعد 12 الليل تهيئين لها الهدوء في البيت وتطفين الانوار عشان تعرف إنه وقت النوم

والصباح من 12 ظهر أو 11 بكيفك تحاولين تصحينها أو تطلعين أصوات عاليه وإزعجيها إللين تصحى

وفي الاوقات ذي لا تخلين الهدوء يجي أبداَ عشان تعرف إنه وقت مافيه نوم

وتحاولين إنها تاخذ قيلولتها في الظهريه أو العصر وإنتي معاها نامي

و إياك تخلينها تنام من بعد المغرب لأنها إذا نامت

بتشبع وإذا شبعت نوم معناته إنك رجعتي للصفر وراح تسهر معاك وهذا إللي مانبغاه

لو إتبعتي ذا الشي مابيجي الليل إلا وهي مرهقه وتعبانه ووبتنام نوم عميق

ويصير عندك وقت تسمرين معا أبو الشباب أو تتنشطين على بيتك تنظفينه وإللي تبغينه يصير بس بالنظام

ولازم تقللين من نومك إنتي كمان كثر النوم يسبب أمراض إنتي في غنى عنها

نامي 8 ساعات في اليوم << نعمه

كثر النوم يولد النوم ويكسلك وإحنا ما إنخلقنا للنوم وزي مالعيالك وزوجك عليك حق

ونخصص لهم وقتنا

كمان للقرآن حق وصلاة الليل حق وصلاة الضحى حق يعني لايضيع عمرك بالنوم حاولي تقللين منه

وبتشوفين كيف تتعودين وتصيرين نشيطه بإذن الله خصوصاً لو حافظتي على صلاة الليل

و صلاة الضحى والله لها فوائد عظيمه

.............................................

أنا أستغرب من الحريم إللي يسهرون عيالهم وهذا خطأ

كلكم راع وكلكم مسؤول عن رعيته

أول شي الغده ماتعمل إلا بالليل << كلكم تعرفون وشهي الغده

وثانياً إذا خليتيهم يسهرون بالليل وقت وجود زوجك ونومتيهم في النهار وهو في العمل أجل متى تجلسين معاه ؟؟

لو يتزوج وحده ثانيه كان أرحم صراحه

.....................................

والاكل أنا ما أشوف فيها شي خليها تتعلم تاكل بنفسها أحسن لك بتترتاحين

حطي لها الأكل في المشايه وإن شاء الله ماتعدم البيت أنا أسوي كذا

أنا أنظف صحن المشايه إللي منها وفيها وأحط لها أكل فيه وأجيب كمان صحن ثاني معايه

هي تاكل وأنا أأكلها ونرضي جميع الاطراف

.......................................

على فكره إذا تبغين تربين بنتك تربيه صحيحه لازم تتفقون عليها إنتي وزوجك

ماينفع إذا إنتي بتعودينها على شي وهو يجي يعترض عليه أو العكس

......................................

والطفل الاول هو الاساس إذا ربيتيه تربيه صحيحه لاتخافين على عيالك الباقيين بيشوفونه ويسوون مثله

يعني بتلقين الصعوبه في الاول بس

.......................................


هذا من خبرتي في الحياه

إللي عجبك طبقيه وإللي ماعجبك لاتطبقينه لكن والله العظيم جبت هالكلام من خبرتي في نفسي وزوجي وعيالي

وأخواتي وأخواني وزواجاتهم وأزواجهم وعيالاتهم << ماخليت أحد :22:

كانك تتكلمين عن بنتى اكبر منها ب4 اشهر كرهتنى فى الخلفه عنيده ولصقه فى حلقى حتى اذا بتروش لازم معى فى الحمام مافى حل كل شى جربته دلع ضرب تطنيش مافى فايدة صراخ وبكى بس شيلينى واشتغلى فى البيت الله يعين

شكرررا الله يسعدكم


جلكسي عجبني ردددك مررره الله يسعدك ياالغلا


ام غلاوي الله يصلح لك بنتك ويصلح لي اللي عندي يارب

بالنسبة لنقطة التشنج من العصبية .... أبشرك مو بنتك بس كذا
لازم كل بنت تكون البيبي الأول تكون مدلعه إلا من رحم ربي


شوفي يالغلا أنا بنتي كانت كذا , والمشكلة أنها تبكي بدون صوت يعني أحياناً تعصب وتزعل وتبكي وتتشنج وما أنتبه إلا لما تشتهق !!
ألحين عمرها 3 سنوات والحمد لله تعدلت .... بس بأقول لك من خبرتي السابقه معها



أول شي قالت لي قريبة لي أنها سألت طبيب أطفال يقرب لها وصفت له حالة عيالها يسوون كذا
قالت له أنهم يزعلون ويبكون لين تزرق شفايفهم وأظافرهم وتتقلب عيونهم ... إلخ
تدرين وش قال ....

قال إذا سوا الطفل كذا خليه وأطلعي من عنده ... يعني طنشيه , بس مو تطنيش خفيف وترجعين لااااا لازم تطنشين وانتي صادقه , وإذا لحقك الطفل سوي نفسك مشغوله بشي ثاني كأنك ما تسمعينه

طبعاً هذا الكلام أنا ماقدرت عليه بس لما سويته والله أني أطلع من الغرفة إذا عصبت بنتي , وأجلس أتسمع من بعيد والله أنها ترجع تسكت

الشي الثاني اللي قاله الدكتور ... قال أعطيهم بين فتره وفتره شوية شاهي ... عشان تتنبه عندهم الأعصاب ومايصيرون مع كل بكاء إغماء



أما تجربتي مع بنتي ... إضافة للكلام اللي قبل

أنا لاحظت أنها تزيد عليها الحالة إذا كانت جوعانه , أو تعبانة من النوم .... تصير كأنها هلكانه تزعل من أي شي ويغمى عليها
فإذا شبعتها نوم ومسكتها وأكلتها لييييين أشوف كرشتها بسم الله عليها تعالي شوفي المزاج كيف ينقلب تصير رااااايقه

وبما أن بنتك تعند تبي تاكل بإيدها أكيد ما تشبع كثير وعشان كذا تكون عصبية
ومع ذلك حلو أنها تتعلم تعتمد على نفسها ... بس بين فتره وفتره حاولي تعطيها أنتي الأكل عشان تشبع زين


غير كذا أنا زي ما قلت لك تعلمت فن التطنيش << يازينه هذا الفن هههه
كنت أسافر عن أهلي بالشهور ونهائياً خلال هذي الفترة ماتسوي بنتي حركات الدلع والزعل والإغماء
بس تعالي شوفيها لما أروح لأهلي .. لأنهم يحبونها خاصه أخواني ماتطلب شي إلا يتسابقون ينفذون وهكذا ,,, فتعالي شوفي أنواع الدلع من أتفه سبب تبكي وتزرق وتتقلب عيونها وبدون تنفس حتى يغمى عليها الي يشوفها يقول الله يرحم البنت

بس صرت أحاول في أخواني لاعد يدلعونها , وبرضو أحاول تكون شبعانه أكل ونوم على طوووول ... والحمد لله تتحسن



وفي نقطة بسيطه أخيره ,, بما أنهم أول بنات لنا ومافي البيت غيرهم تلاقيهم يتوترون لما نروح عند ناس يتغير عليهم الجو
إما يخافون أو مايبغون الصغار الثانين ياخذون شي إلا يبغونه أو يبغون يخربون على بالهم كل شي لعبه .... وإذا أحد منعهم تنقلب الدنيا !!


فأنتي حاولي تنظمي نوم بنتك وتخلينها تشبع نووووم
والفترات اللي تكون فيها صاحيه حاولي تشبعيها باستمرار , وأعطيها بإيدها قطعة برتقاله أو خياره أو خبزه أو أي شي مفيد تمسكه وتاكله شوي شوي
وبرضو حاولي توديها لطبيبة أطفال توصف لها فيتامينات ومكملات غذائية أو أنتي خذيها من الصيدلية بتفيدها كثير
أذكر وحدة من قريباتي تقول جربت تعطي عيالها ووالله أنهم انقلبوا قالت صاروا هادئين ومتغيرييييين جداً عن قبل , وإذا تركت الفيتامينات ترجع لهم العصبية والعناد .. كأنها مادة بالجسم إذا نقصت تسبب سرعة العصبية بس والله ناسية وش هذي المادة بالضبط



الله يصلحها لك ويبارك لك فيها
وعلى بال مايجيها أخوان بتتعود على الأجواء الأجتماعية والمشاركة وتنسى أجواء الدلع والدلال ...
وزي ماقالت الأخت جالكسي , زي ما تعودينها بيطلع باقي أخوانها عليها .. بس لا تخافين كل واحد بيطلع أحلى من الثاني بإذن الله ^_^

كلام رائع وخبرات مستمتعين فيها 00 جزاكم الله خير ونرجو المزيد.