اختي الغالية .. في نصايح راح اعطيكي هي دايما اعطيها طالباتي واللي يسالني وان شاء الله تظبط وتدعي لي

- جهزي كل ادواتك وخاماتك على الطاولة قبل ماتبدئي لانه اهم شي السرعة وكل ماكانت العجينة برا مدة طويلة خرجت منها الغازات اكثر وتعطيكي كيكة هابطة .

- في اخذ المقادير اول شي انخلي الدقيق وفي الكيل لاتكبسي بالملعقة ولا تهزي الكاسة .. ضعي الكاسة على الطاولة وكيلي بعد النخل بوضع الدقيق بالملعقة في الكاسة حتى تمتلئ ازيحي بالسكين الزائد لتسوية السطح

- تاكدي من كمية البكنج بودر ومن مكاييلك عادة في الكيل بالملعقة نكيل نصف الملعقة بالطول وليس بالعرض

- اوقدي الفرن مع بداية خلط الخامات على درجة حرارة متوسطة

- في خفق البيض اخفقيه بالمضري السلك لمدة لاتقل عن خمسة دقايق , وراح تلاحظي تضاعف حجمه وهذا جدا مهم . وممكن تضيفي الفانيليا مع البيض .

- لاتستخدمي المضرب السلك ابدا بعد اضافة الدقيق وقلبي العجينة بالملعقة الخشب بحركة دائرتين ونصف ولاحظي في دوران الملعقة ماتكون فقط في القاع ولكن تمر باعلى الزبدية وجمع مايلتصق بالاطراف نزولا في دورانها للقاع ويدك الثانية خليها تدور الزبدية ولو تلاحظي حركة الملعقة في يدك تجدينها تدور وليست ثابت .... واعتمدي التقليب بهدوء وتجنبي الخفق والتقليب بقوة حتى لاتخرج الغازات .

- لاتطيلي التقليب لان العجينة كما ذكرت لاتترك خارج الفرن مدة طويلة حتى لاتفقد الغازات .

- ساوي سطح العجينة بالملعقة وتجنبي هز الصينية او خبطها باليد او بالطاولة لان هذا يخرج الغازات منها .


- لاحظي عند صب العجينة في القالب يكون حجم القالب مناسب لانه لو كبير جدا تكون هابطة ولو صغير يتشقق السطح .

- بعد وضعها في الفرن لاتفتحي الفرن قبل ربع ساعة

- تاكدي ان الفرن عندك جيد لانه اذا توزيع الحرارة فيه سئ تهبط الكيكة او يتكون فيها مايشبه الزيت وكانها مانضجت وانصحك تجربي الفرن عند احدى قريباتك ممكن يكون هو السبب

عزيزتي جربي كل اللي ذكرته لك وبعدها ردي علي لاني راح افضل وراكي وراكي لحد ماتظبت
تحياتي

جزاك الله ألف خير وجعله في ميزان حسناتك إن شاء الله

نفس الشى ياالمزيونه

كنت ابي اكتب عن معاناتي مع الكيكه ...

كنت زمان اسويها حتى من غير مقادير وتطلع روعه
واي كيكه فيها موديل قصدي اضافات جديده هههههههه تظبط
اما الحين ااااااااااااااه والله ولاشي اسويها بدقه وحرص حتى اني غيرت الفرن جبت كهربائي

ولكككككككككن ولا شيء خساره البيض والطحين اما تنتفخ من جهه وحده
او تنتفخ لكن من جوه ما استوت !!!!!!!!! شىء يجنن حتى كرهت اسويها

ناديت جارتي مره وسوتها عندي واليوم الثاني سويتها ولالالالالالالالالالالا شيء نفس الماساه ....
البكنج بودر الي استعمله مكتوب عليه مضاعف وجارتي تستعمله وماشاء الله تمام وحتى الفرن حقها ما غير عين وحده ومتهالك ........
اسمحوا لي هذي قصه حياتي مع الكييييييييييييييييك
الي عندها فكره من الخوات الخبيرات توضح لي اين الخلل ؟؟؟؟؟؟؟
:cook: :26: :26:

أهلا أخواتي .. بصراحة الأخوات ما قصروا ولكن حبيت( أدلو بدلوي)

الكيك أنواع في اللي يبغاله خلط معين وبخفة وإضافة المقادير بالتدريج وفيه اللي ينخلط كل شئ مع بعض وتكون الكيكة ناجحة أيضا

مثل ما قالوا الأخوات ياليت لو اللي ما ينجح معاها الكيك تكتب طريقتها خطوة خطوة علشان نكتشف موضع الخلل

على كل حال في بعض الخطوات اللي ممكن تساعد في إنجاح الكيك مثلا:
- البيض علشان تروح الزفرة منه يضاف له كم نقطة خل
- بعد خلط كل مقادير الكيك يفضل إضافة البايكنج باودر في الأخير
-لوزادت السوائل مشكلة ولو زادت النواشف بعد مشكلة والأفضل إستخدام الأكواب المعيارية للقياس وهي موجودة في محلات الأواني
-الفرن الكهربائي ممتاز جدا للكيك والمعجنات لأن الحرارة فيه بتكون مضبوطة تمام وموزعة فيه بالتساوي
- وإذا يئستن من جميع الحلول ( سووا خليط الكيك واقروا فيه المعوذات والفاتحة وتوكلوا على الله)

بسم الله عليك حبيبتي لاتكون عين اقرئي الحمد والمعوذات واية الكرسي على نفسك ولا تتكلمي عن نفسك كثير مو كل من يذكر الله و ترى العين حق
تحياتي