السموحه على كلامي لكن والله حرام يكرهك الطفل وأنا اعرف ان مافي قلبك الا كل الحب له , لكن تعبيرك بمحبتك له خطأ .
وانتي ايضا بهالطريقه راح تعلمي اخوانه الأكبر منه اذا شافوك ان الضرب مسموح بينهم وعادي مافيه شي لو ضربوه لين يبكي هو واخوانه الباقين .
كوني قدوة صالحه لهم ماتتصرفي باللي تحبيه قدامهم وتتفاجأي بتقليدهم لك بأمور خاطئه ,,
مثلا واحد يدخن او يشيش قدام اطفاله ويتفاجأ يوم من الأيام انهم يجربوها سواء بالبيت او خارج البيت ويقول ليش سوو كذا؟
ضوء حلم
•
الصفحة الأخيرة
اللي تسويه غلط غلط غللللللط وانتي بقرارة نفسك عارفة هالشي .
تخيلي امك او صديقتك بالدوام او المدرسة عزيزة جدا جدا على قلبك تعطيك اقوى كف او ضربة مؤلمه جدا وتتأذي منها نفسيا وجسديا ,, وتقول لك بس حابه اسوي كذا لانك تعجبيني ؟؟!! وتستمر على هالحركة .
ايش راح يكون ردة فعلك ؟؟ راح تنفري منها مع الوقت وتتجنبي الجلوس عندها وممكن تكرهيها وتحقدي عليها .
هذا اللي راح يصير لولدك بالضبط معك , مع الوقت بيعرف انك مصدر الم وأذى له مو مصدر حنان وراحه وسعادة .. وبينفر منك بشكل قوي وبيحاول يتجنبك .
الطفل يحب الحضن واللمس والكلام الهادئ الحنون والتفاعل معه من كل افراد عائلته . انتي الآن تشوشي تفكيره وبدأتي معه بعقدة نفسيه ممكن تستمر معه طول حياته لو استمريتي معه .
لاوالله مو طبيعي ابدا , للأسف هذي اول المشاكل النفسية الحركات اللاارادية والآن يحاول يدافع عن نفسه لكن مايقدر الا بتغميض عيونه لعل وعسى يختفي عنه الآلم ,, ابحثي عنها بالنت وشوفي اثارها التدميرية عليه مستقبلا .. استمري على حالك وبتزيد لتحريك الكتوف والهز بكامل الجسم والهز العنيف للرأس .
لاتقولي غصب عني ومدري ايش ,, هذا مو مبرر ابدا حتى تتوحشي عليه وتكرهيه بنفسك ونفسه .
اذا حابه تكرهي الولد فيك ويتعقد منك فأهنئك هذا هو الطريق الممتاز للتربية .
مانقدر نقول لك الا سيطري على نفسك من بدايتها والا راح تضربي نفسك الكف من الندم .
بدل الضرب شيليه من مكانه واحضنيه , راح يحس بالفرح والآمان ويعرف ان له مكانه عندك .
هذا طفلك امانه برقبتك ,, والدنيا دواره لاتنسي هالشي .