عمره 24 سنه ومحتاج دعواتكم

قبل اكتب موضوعي ابي اعتذر لامي الحبيه اذا شافت موضوعي واتمنى انها ماتشوفه وخصوصا انها تعرف معرفي .. بس احنا باشد الحاجه لدعواتكم ....

اخوي الوحيد ..ومميز من طفولته جميل ..ذكي .. محط انظار الجميع ... الكل كان يقول وش بيصير لما يكبر .. وحيد ابوه بيسوي له وبيحط له .. الكلام هذا من كل الناس .. كان محسود على دلال اهلي ... الله المستعان ..

بداء يكبر ويوصل سن المراهقه وبداء يتغير .. في كل شي حتى الشكل وكنا نعتقد ان ها الشي طبيعي سن مراهقه .. سبحان الله على عز الوالد الله يحفظه كان كل شي يبيه اخوي يجيه بصعوبه .. ويروح منه بسهوله ... وكنا نعتقد مثل مايعتقد كل الناس انها عين او نفس ..

لما وصل العشرين بدات تتغير اخلاقه وبداء يتعامل معانا كننا اعدائه ... (ليه ياحبيبي احنا اهلك ونبي مصلحتك ) ماكان يصدقنا ...بداء يتسسب باالمشاكل واحنا نقول عصبي اخلاقه كذا بس الشي زاد عن حده ..

امس .. بس امس اكتشفنا ان اخوي مريض ؟؟؟ مرض وراثي .. ويحتاج لعلاج لفتره من الزمان .. هو رفض يتعالج ومصر انه طبيعي ... صرنا في مفترق خطوط ... اننا نسمح لحياته بالانهيار او نساعده من غير مايدري .....اااااه بس
الدكتور قال من اعراض المرض ممكن ماينجب .. والافضل ماينجب لان المرض وراثي ....

المشكله اخوي خاطب ومين خطيبته بنت عمه .. يعني هي كمان ناقله للمرض ... والدكتور اصر انه مايتزوج بنت عمه ؟؟ معقوله الحين ينفصلون بكل سهوله وش ذنب البنت تطلق وهي مابعد تزوجت ... والمشكله ان ابوها يعاني المرض بس بمرحله متطوره عن اخوي وواضحه جدا ..

ارجوكم ادعوا لاخوي انه يتعالج ويتقبل العلاج وهو يطلب الدواء .. وربي اننا نتعذب عشان ياخذ الدواء .. الله يصبر قلب امي ابوي
ادعوا له يصير انسان طبيعي ونفرح بشوفه عياله مستقبلا .. الدكتور اكد لي ان نسبه شفائه 65%

امي منهاره وابوي صار ضعيف جدا مو قادر يسوي شي .. انا بعيده عنهم في منطقه ثانيه .. خايفه لما ارجع بيتي مايعطيه الوالد العلاج ... يارب رحمتك .. لاحد يقولي اعمام وخوال محد ينفع احد ها الايام بالافراح محد يشوفهم تبونهم وقت الحاجه يجون ...