عمره 8 سنوات و يتشتت تركيزه بسرعه

السلام عليكم
ولد اختي عمره 8 سنوات
و الاحظ عند تدريسه ان تركيزه يتشتت بسرعة
احاول اعلي من نبرة صوتي في بعض الاحيان و مع بعض الكلمات لالفت انتباهه مرة اخرى
اضطر اكرر السؤال كذا مرة حتى يستطيع استيعابه
الطف مب غبي
و في النهاية يتعلم بس بصعوبة و بعد وقت طويل
حضرت له كلاس في المدرسة
لاخظت انه هادي جدا و ما يتفاعل مع المدرسة (الكلاس فيه 10 طلاب و نصهم كانوا مثله)
لكن هذه ما كانت غلطته لانه اسلوب المعلمة كان غير حازم و الكلاس كان فوضى (بعض الطلبة كاوا وايد يتحركون و يتكلمون من غير اذن و يقومون من مكانهم واي و الباقي في عالم اخرد)
كلمت المعلمة و ووعدتني تغير من اسلوبها مع الطلبة
لكن
كيف انا في البيت اقدر ازيد من تركيزه
ادرسه في غرفة مغلقة (عشان لحد يدخل و يطلع)
من غير تلفزيون
الانارة جيدة
الدراسة على كرسي (لانه وايد يحب يتحرك في البيت عكس في المدرسة)
قعدة صحية و و انا قاعدة جنبه
احفزه دايما و احييه مع كل اجابة صحيحة

بس مع هذا الولد وايد يتشتت انتباهه
انا من الامارات
اذا حد يعرف خبير تعلم ممكن يساعدني لا تبخلون علي
اذا عندكم اي طريقة خبروني اجربها
و مشكورين