عمري راح

نفسيتي زفت كل اللي جالس يصير لي كاني بحلم احس اني امس دخلت سن العشرين وامس خلصت جامعتي وامس كنت صغيره لسى توي داخله عشرين سنه اقسم بالله زي الحلم طارو السنين ماصحيت على نفسي الا وعمري ٢٩ سنه
ولا عمر احد حتى بالغلط خطبني اعترف لكم اخر همي الزواج وكنت مطنشه مرا ببداية العشرسن يعني مو اكبر همي اترزز عند الحريم وكذا كنت خاطه ببالي نصيبي بيجيني مهمها كان لكن طلعت غلطانه
بنات مستوعبين احس قبل يومين متخرجه وانا لي سنين متخرجه اتذكر مواقف صارت لي لها سنين واحس كانها امس عمري طار طار واللي خوفني اكثر زي ماطار عمري وانا بالعشرين بيطير وانا بالثلاثين ولا راح احس بنفسي الا انا بالاربعين اكره الكبر وفيني عقده من العمر
انا اخر همي الزواج بكن اهلي والمجتمع مايرحم اخرتها قبل شوي تهاوشت مع اختي ع شي تافه قالت اسكتي يالعانس ياللي ماحد يبغاك المشكله مافيني عيوب بشكلي تحرمني من الخطاب يعني شكلي عادي مقبوله وجسمي عادي وسمعتي ولله الحمد من احسن شي وهي الوحيد اللي جالسه احافظ عليه ليه كل اللي يصير بي طيب والله وبدون كذب كانو معي صديقات صياعه ومكالمات شباب وكلهم تزوجو الحين اللي. عمرها ثلاثين والله ماحد يبيها الا مطلق ومعه عيال او شايب لكن العيال حتى لو عمرهم بالثلاثين مستحيل يقبل بوحده زي عمره يبيها اصغر منه باقل شي ٤ سنين
والله جتني ايام شكيت بشكلي وبسمعتي
وشكلي مالي يدين فيه يعني الحمدلله مافيني
ذيك العيوب القويه اللي تنفر الخطاب
وسمعتي من احسن الناس ولا عمري سويت
حرام ومغازل وبلاوي انا خايفه اوصل الاربعين وانا كذا