عمري راح !!

مرحبا بنات
والله ماقدر اكتب هالكلام الا لكم
بنات نفسيتي تحت الصفر تعبانه من وضعي
انا من طلعت ع الدنيا مالي حظ وكل
شي متعطل معي انا انخلقت كذا بدون اي حظ
لابدراسه ولا اهل ولا شكل ولا فلوس ولا زواج
ولا شي صبرررررررت حسيت اني بابتلاء
وصل عمري الحين 35 سنه اقسم بالله
كرهت نفسي وربي يشهذ اتمنى الموت احيانا
ارحم من العيشه ذي بتقولون وش فيك
غندب اهل بالذات امي
مب حاسه!!
وبالعكس تقولي وش تبين بالعرس
تبيني طول عمري عندها تبيني اخدمها
ماتزوج
بالمقابل تتمنى امنيه خواتي بالعشرينات
يتزوجون
امي تعاملني بانانيه يعني اشوف خالتي
لما قرب عمر بنتها 30 انجنت لما زىجتها
كانت ترززها بالاجتماعات والعزايم
لما تزوجت
لكن امي لاااا محسستني عمري 15!!
وانا كل عمرري راااااااااح بدون رجل وعيال
والله صرت استحي حتى اطلع مع صديقاتي
بنات الكليه والثانوي لان كلهم معهم عيال
الا انا شكلي غلط بينهم وبالجلسن كلسوالفهم
عن رجالهم والعيال حسيت يحسون
بالشفقه اتجاهي
حتى لما اطلع كافيات مع خواتي كل اللي
فيه بنات وشباب مبزره!!
احس لحالي الكبيره بينهم
بتقولون وش دراك انهم صغار قدامي
ياناس واضح توهم بالكليه اللي بعمري
مادري وينهم انقرضو ماتو صاكين على انفسهم
بالبيت!!
كرررررررهت نفسي وحياتي
بتقولون مب مهم الزواج
لا يابنات
لا نلعب على بعض
الزواج فطره واعفاف للنفس احيانا
وربي يراودني الشيطان لكن اقوم اتوضى واصلي
واحاولً امسك نفسي قد ماقدر
احيانا اقول خل اجرب مكالمات ىاملا
الفراغ اللي ابيه يمتلي بكلام حلو بس استغفر للله الخالق واقول وبعدين لو كلمت
انا بتضرر هو بينبسط وانا بتعلق بوهم!!
بتقولون مو مهم الزواج
لا كذب يابنات الزىاج اهم شي بالحياة
اجل كيف نصير امهات اذا ماتزوجنا
انا انام واصحى على هم الاشهر هذي
لما وصل عمري 35
كاني صحيت على نفسي
جالسه اسال نفسي
لو مر الزمن ماتزوجت
وين بروح!!
وين بعيش بعد عشر عشرين سنه
وانا عاطله لاوظيفه ولا شي
واهلي ناس اقل من البسيطين يعني لاورث
ولا مال وش بسوي !!
بنات البلاء كله باهلي بالتحديد
امي ماتفكر بالمستقبل نهائي مثل الحريم
امي تفكر باللحظه فقط تبينا حولها
هذا اكبر طموحها ماتفكر بمستقبل
زي دوري وظيفه
او تزوجي جيبي عيال او شي لا ابدددددد
والله اني احيانا اقول يارب اموت وارتاح
لان مدري وش مصيري بعد سنين
وين بكون من بيصرف علي
بعيش طول عمري كذا وحيده
بدون عيال بدون شي
هالافكار مسيطره علي بشكل ماتتخيلونه
انا اقسم بالله صار فيني زي الوهم
احس ذا مب عمري اسال نفسي
كيف كبرت بهالسرعه ممداي
كنت 25!!
وشلون العمر يركض كذت 10 سنين يابنات
مرت بلمحه والله بلمحه
اتذكر تفاصيل كل عمري لما كنت بالعشرينات
تقريبا 25 كانها قبل سنتين مو كانها قبل عشر سنين
وشلون مر فيني السنين كذا مادري
واحيانا استغفر الله الخالق والله مابي
اقول الكلام هذا لكن
بتفضفض شوي
احس الدنيا مافيها عدل
يعني ناس متهنين وكل حياتها
ميسره وماشيه وكل شي حاصل لهم
من دراسه ووظيفه بعدها زواج وبعدها
عيال وفلوس وسفرات وروحات وجيات
وناس ولا شي اعمارهم تمشي وهم كانهم ميتبن
مثلي
انا ولي اخ اكبر مني اقسم بالله
احس اننا ميتين والناس احياء
جالسه اشوف كل حياة الناس تمشي
الا حياتنا واقفه معلقه
بعد الولد مايشوفون عيبه الناس
لو عمره خمسين يقدر يتزوج
ويجيب عيال
بس انا انا البنت اللي اكلتها
دايم اقول هل جيلي انظلمت
بسبب زمان كل شي حرام وكل شي لازم
محرم ولا كانو اهلي يعطوني وجه
احد يروح معي اقدم وكان زمان مافي زي الحين شركات بالرياض يعني حتى انظلمت
بسبب كبر سني والتطور ماجا الا الحين
والحين كل من شاف عمري الشركار
يعتذرون يبون العمر مايتعدى30!!
طيب انا وش ذنبي!!
والله والله يابنات ماكذب عليكم
احس نفسي ميته تخيلو الشعور معي
انك ميته وجالسه تتفرجين وتشوفين الاحياء
انا هذا اللي احس فيه بكل بساطه اشوف نفسي ميته والحياة ماشيه لكل الناس
الا بوجهي مسكره من كل شي كل شي
مانفتح لي ولا باب
واللي جد جاب لي اكتئاب
ان اهلي وقريباتي يحسسوني بالذنب بسبب عمري
زي قريبتي تقول الله يعين اللي تتزوج
وهي فوق 30 كل ماتهاوش معها زوجها
قالها اسكتي يالعجوز يكفي اخذتك
ماحد يبيك
واختي قبل يومين
تسولف عن تجهيز صديقتها
وانها حاطه حفله ملكة وكذا
وان اختي تقول اي حلو توها صغيره
عشان كذا حاطه حفله ملكة وترقص
بس تخيلي انها عجوز فوق 30 وتحط حفله
تفشل تصير
مشفوحه ولا صدقت
المفروض تتزوج حتى ماتحط زواج
خلاص كبيره ليش تسوي الحركات هذي
مستوعبين
هذي افكار اهلي وقريباتي
يحسسونك ممنوع تفرحي ممنوع تحطي
زواج او شي عشان عمرك كبير
زي قولت خلاص اصلا احمدي الله انك تزوجتي بس لاتسوين حركات صغيره
خالتي نفس عمري وانكتب انها تتزوج
وعمرها 24 ومعها الحين 5 عيال
واكبر بنت لها بالثانوي ودايم ترميني بالكلام
اننا عجزنا وراح العمر!!!!
والحين كل همها بنتها تكبر عشان تزوجها
متخييييييلين
اقولكم الناس اهلي المجتمع مايشوفون
اي وحده تعدت 30 شي اذا مو متزوجه
يحسسونك بالذنب كانك انتي هالشي بيدينك
كان هالشي منك !!!! قسم بالله
تعبت نفسيا بنات كرررررهت نفسي وعمري
لدرجه من كثر مافكر بعمري صرت اقول
يارب ان عمري مجرد حلم واصحى وانا عمري غير
يعني مو تاركيني بحالي
زي ماقلت لكم كل االي بعمري اختفو
مدري وينهم ماتو تزوجو مادري
فصرت اطلع مع قريباتي وخواتي اللي اصغر نني بعشر سنين تخيلو
ويجيني كلام جارح من اهل
او قرايب انك زي
كلامهم
عجوز هذا كبرك مع بنات صغار؟!
وش تبي بذولا مب عمرك؟!
طبب انا لقيت احد بعمري؟؟
انا كل اللي بعمري اختفو؟؟
دايم خاصه امي تعايرني
لما اطلع من بنات عمري اعمارهم24 و25
انك عجوز مع بنات صغار وش تبين فيهم
تفشلين فشلتينا
وش جابهم لعمرك وهالكلام اللي يخليني
ارجع منهم ابكي