هي لله

هي لله @hy_llh

عضوة جديدة

عمري سبب انفصالي هل انا كبيره بالعمر بالفعل/ استوفى الرد

الأسرة والمجتمع

السلام عليكم ورحمة الله وبركاته 
تقبل الله صيامكم وقيامكم والصلاح من اعمالكم اخواتي
مدري من وين ابدى كلامي .. بس انا سبق وقلت لكم 
مشكلتي قبل انفصالي من خطيبي انا بالسابق انخطبت لشاب عمره 34وعمري 28 وحسيت من المكالمات ان اسلوبه غريب معاي زي يعني يتكلم معاي بدون نفس وكلامه مختصر 

اللي صار اني صارحت أخته وهي من أعز خوياتي كلمتها وقلت احس اخوك مغصوب علي واسلوبه معاي غريب و و و ... قالت اني موسوسه  
بس طلبت منها انها تثبت لي اني اوسوس فسوت مكالمه جماعيه وهو ماكان يدري اني موجوده بالمكالمه واسمع كلامه مع اخته 
كلامه يابنات نزل على راسي زي الصاعقه يابنات جلس يعاتب اخته يقول لها اني كبيره عليه وانه طلب من خواته يدورون له على بنت بمواصفاتي بس ماتتجاوز 23 وان كل شي فيني تمام بس متضايق من عمري 
واخته أحسها انحرجت مني وتبي ترقع الموضوع بس هوماسكها عتاب على عمري
وقال لها بصريح العباره أنا أحس خلاص مالي رغبه فيها بس هي طيبه ( يعني أنا )
قفلت الخط وجلست ابكي وحسيت ان كلامه زي السم حسسني انه بعزز شبابه وانا عجوز منتهيه حسبي الله عليه 

انقطعت عنه ولاعاد كلمته وارسلت له رساله قلت احنا مانصلح لبعض الله يوفقك مع بنت غيري
ورد علي قال طيب خلاص ... ولاعاد ارسل ولا اتصل ولاشي

كلمت اخوي وقلت له اللي صار قال خلاص استخيري المهم استخرت وانفصلت عنه بدايه الاجازه وانا قلبي مكسور 
ولاقال شي ولا ارسل وكأنه ماصدق هو راح خطب وحده وما ادري وش صار شلته من راسي

وانخطبت من رجل اقل منه التزام لكن الحمدلله ملتزم ويصلي ومثلي كان مملك وانفصل بس مكان عمله مختلط  بحكم انه ممرض وانا انسانه غيوره بس قلت اقدر اسيطر على غيرتي ان شاء الله

اللي صار ان ابو الشباب خطيبي الاول ارسل على الواتس وقال لي بالحرف في مجال ارجع لك اذا في مجاب عطيني الموافقه 
بس ردييت عليه وقلت لامافي مجال انت مرفوض بالنسبه لي ماعاد لي رغبه فيك 
المهم انه مااخذ بكلامي وراح كلم اخوي يتعذر منه وانه صار سوء تفاهم وانه شاريني ويبينا نرجع لبعض .. وزار اخوي بالبيت وطلب منه يقنعني 
المهم ان في محاولات منه اني ارجع
وانا رافضته موب كره لاوالله الا قلبي مكسور منه واخاف يعايرني بعد الزواج بعمري
بس خواتي ذبحوني يقولون والله تندمين والله ماتلقين واحد بالتزامه والله انه طيب بشهاده الجميع وكل بنت تتمناه بس ربي كتبه من نصيبك وهو صدق خطبوه كثير لبناتهم لاخلاقه والتزامه بس لصداقتي مع اخته خطبوني له هم .. 

شوروا علي لو صار لكم مثل ماصار لي وش بتقررون
انا والله اني ملخبطه ولا انا عارفه اقرر .
126
20K

هذا الموضوع مغلق.

انثى العقرب
انثى العقرب
معليش وش تندمين عليه وأي التزام مبسوط فيه؟ تفكيره سطحي وسخيف وياليته صغير بينكم 6 سنوات ما اعتقد ان عليه حسوفه هذا باعك بتسرع بعد ماتعب من البحث توه يرجع؟ ماعليك من الالتزام هذا شي بينه وبين ربه ولااحد يدري من الأقرب عند الله لايغرك مدح الناس له يكفيك موقفك منه كيف ماقدر مشاعرك وكيف تفكيره جداً كان سطحي انتي استخرتي والحين مخطوبه ركزي على حياتك مع خطيبك ولا تلتفتين للماضي انسيه أحسن وهذه خيرة من الله
Take my Hand
Take my Hand
الرجال شااااااااااريك...استخيري وتوكلي على الله..صدقيني لو مو راغب فيك ما حاول اكثر من جهه
اسمعي كلامي وانا اختك
الرجاااااااال شاريك مفهوم شاااااااريك
نملة كاشخة2012
نملة كاشخة2012
اتفق مع انثى العقرب ..
violet🦋
violet🦋
هو باعك وجرب غيرك على بالة السعادة الزوجية  بصغر عمر الانثى 
ونسى الاخلاق والتربية والسنع 
تلقينة حالة حال اي رجال يبي يمتع عمرة ب ،،،، شبع من الي في بالة 
جاء وقت المسولية 
عاد وقت المسولية يبي لة انثى ناضجة تفهمة 

اكيد ندم ويبيك 

انتي استخيري وشوفي الي يريحك 
الممهاجره
الممهاجره
لا والله لاترجعين له شكله راح خطب وردوه والا مالقى بنت صغيره ترضى فيه ورجع لك اسحبي عليه وعيشي حياتك مع خطيبك الجديد وشوفي اذا انبسطتي معه استمري واذا ماجبك كنسلي ومو شرط الالتزام يعني حياتك بتصير معه حلوه ووشوفي طريقه تفكيره يوم بغى يتزوج قال ابي صغيره وهو كبير وفوق الثلاثين يعني ناضج واخر شي اقولك استخيري والله يوفقك