عمري ماشفت اوقح من كذا

صباح الخير


بنات صار لي موقف غريب و اول مره يصير لي انا الحمدلله الناس الوقحه وسيعه الوجه كنت اسمع عنهم بس ماعمري شفتهم او صار لي موقف منهم لين امس


تخيلوا في المول قسم المطاعم مره زحمه والطاولات كلها مزحومه وساعه على ماادور طاوله لين لقيت وقلت للعامله تجلس عليها وتحط الاغراض على مااروح اجيب عشا وارجع تخيلو لما رجعت لقيت شغالتي واقفه وشايله بنتي واكياسي ع الارض قلت وين الطاوله قالت هذولا قوموني


واناظر الا ثلاث حريم جالسات حتى الكرسي اللي جالسه عليه شغالتي اخذوه بسم الله وعصير بنتي الرضيعه اخذوه ورموه ، رحت لهم بكل ادب وياليتني ماتكلمت ب ادب لو وحده غيري كان سحبت الطاوله على روسهم تخيلو رحت لهم وسلمت وقلت ياخواتي هذي طاولتي قالوا معليش شفنا ماعليها اكل واخذناها قلت ماشفتوا شغالتي وش كبرها هي وبنتي جالسين قالوا معليش فكرناك متعشيه وخالصه !!! قلت لا هذا عشاي وعشا عيالي بيدي شوفوه قالت وحده منهم والله قومه ماراح نقوم قلت ليش طيب طاولتي الله وكيلكم قامت في وجهي قالت بصوت عالي انتي وحده قليله ادب واقسم بالله ل اضربك ههههههه وربي هذا كلامها انا فاتحه فمي ومنصدمه يعني ماخذين طاولتي ومقومين شغالتي وجايتكم انا بكل ادب اسال تقومين تسبيني وتهدديني بالضرب !!!! انا هنا ماسكت رديت عليها ومشيت حسبي الله ونعم الوكيل قمه الوقاحه خربت علي يومي هذا بدال مايتأسفون ويخجلون كيف كذا فيه عالم في قمه الوقاحه لهذي الدرجه ؟؟؟؟