عمري مافضحت احد ودايما مفضوحه

السلام عليكم

انا عايشه في وضع مايعلم به الا الله حاله غريبه عجيبه ماحد يقدر يتحمل الا انا فيه الا الحمار


الحين قبل شوي صارت مشكله ورفعت الشغاله والي اسمها اخت كلهم الثنتين علي حسبي الله ونعم الوكيل عليهم الثنين


الله ينتقملي منهم الشغاله الحقيره مشتغلاني بالاذيه وهذيك معاها لان الطيور على اشكالها تقع


قبل شوي صارت مشكله بسببها والاخت قعدت تدعي علي وتحسب قمت ردت عليه جت الام قالت ايش في ؟

قلتها هي والشغاله علي حرام ثنين على وحده وارتفع صوتي شوي الا الباب يدق الا واحد جارنا



ياالله تخيلوا اكيد سمع صوتي لاني لما انفعل صوتي يعلا وهذي مشكلتي وهم دقهم ناعم الشغاله تتشغل على خفيف بس موجع


خصوصا اني وحده وكلهم مع بعض وانا لوحدي


امي عزلتي عنهم بتصرفاتها خلتني فرد لوحده واستفردت فيني الشغاله واذا هاوشت الشغاله او رديت عليها بنفس اسلوبها


تقوم بنتها الحقوده الي تكرهني كره العمى وتوقف مع الشغاله والشغاله طبعا في هذه الحاله تزيد ماتقل



سبحان الله الله منعم ومتفضل عليهم امي وبنتها رواتبهم بايديهم وياكلون من خير ربي ومن رواتبهم


وانا اكل من اكلهم عاله عليهم يعنيى ىابي وحده بس تحس فيني احساس الذل والمهانه الي انا فيه


سبحان الله ينعم على من يشاء الوالد مايصرف علي وماعندي وظيفه واضطر اكل من اكل امي الي ماصرت متحملاني ومعصبه علي طول الوقت وهي اساس مشكلتي مع الشغاله





ليش انا كذا ذل ومهانه وفضائح وسمعه بين الناس وليش هم مستورين وشبعانين ومنعم الله علهيم ليش ماينعم علي مثلهم

وليش مستورين في بيوتهم رغم عيبوبهم واخلاقهم الزفت وعمايلهم ونا دايما مفضوحه وسمعتي بين الناس زفت

ليش هم في احسن حال ونا في اخس حال ليش في قلب نعيمهم اعيش في جحيم ,اشوفهم عاديين زيهم زي بالعكس انا استتغفر

واحافظ على الصلاه اكثر منهم


تخيلو الاخت ماسمع المنبه عندها يرن لصلاه الفجر اسمعه بس يرن لموعد شغلها والله العظيم انا قبل مانام اعدله على موعد صلاه الفجر ,,


اخلاقها قدام الناس تماااااااااااااااااااااااام والكل يحبها وهي داخل البيت بس عابسه ومقطبه مارضيت عن امها الا بعد ماصارت عجينه في يدها وخاتم في اصبعها الا كان اول ماتطيقها ولاحتى تكلمها الحين صارت تكلمها وتضحك معاها سبحان مغير الاحوال


سبحانه انا بس كل الياببيه لقمه من قلوسي بدل الذل والمهانه الي انا فيها والله العظيم اذا دخلت المطبخ اكل شوي وتيجي بنتها وتقعد تطالع فيني بنظره نظره شماته وتشفي وياليت اكل زي الناس اكل يوم ويومين لا ولااطلب شئ والله الذي لا اله الا هو ان لقيت شئ اكلته وان مالقيت ماتكلمت وهذا بس فضلهم علي غير الكهرباء ,يعنى فضلها هي وبنتها اللقمه والكهرب الي استخدمه للنت والمكيف


الي افتحه غير كذا ماشوف من الام ريال واحد لااطلب ولاهي تعطيني نادرا اذا قالت خذي هذا اقلها لا ولااخذ منها حتى هلله وحده


بالله ايش رايكم في حالي ,,؟لي متي اقعد كذا ؟ مع ثنين الاخت تكرهني كره العمي حقد وغيره (تخيلو عندها عقده من شكلها مع انها عاديه بس دايما كانت تقول انا مو حلوه وتطلع في نفسها عيوب انا كنت اذا احد مدحني والله ماتكلم ولااقلها علشان مااجرحها


الحين بعد مادار الزمان علي وصرت في هذا الحال لاوظيفه ولااطلع عند احد ولاالبس ولااتشيك ولاشئ صارت لما تلبس وتتشيك


ووحده تمدحها من صديقاتها تيجي تقول لامي مدحوني وقالو عني وعن لبسي يعنى حتى مراعاه للمشاعر مافي ,من وين تجيبها


اذا هي اصلا تكرهني وتحقد علي ومع ذلك سبحان الله في نعيم مقيم سبحانه مع انها دايما تتشكى وانا صابره وامني نفسي


بيوم الفرج والعز بعد الذل والمهانه بس ماشفت شئ لي الان لاانا عايشه وضع عادي ولافرج جاء



على فكره العمر فوق الثلاثين يعنى مابقى شئ منه ومازلت انتظر




وكملت الحكايه بالشغاله الاندنوسيه لازم اعيش داييما في مشاكل مستحيل اعيش في هدوء

الحين بنات كيف اتصرف الشغاله فررررررررحانه فرح والصوت تدعله والضحكه تميعها وانا مقفله الباب ومسكره اللمبات وقاعده ابكي



والله الذي لااله الا هو يابنات اذا سوت شئ من اذيتها لي وسكت وكتمت مابي مشاكل مايكفيها الحقيره تدرون ايش تسوي؟


اذا مريت تطالع فيني وتبسم اقسم بالله العظيم لو هي عند مغسله المواعين ودخلت المطبخ تلتفت وتبسم وانا احاول اكتم واسكت


لين متى اتحمل الله يقلبهم الثنين على بعض واشوفهم كل وحده تسوي للثانيه الي كانت تسويه لي يابنات اسئلكم بالله العلي العظيم تأمون على كلامي ان الله يقلب الثنتين على بعض ويري كل وحده منهم الي كانت تسويه لي وتسوي كل وحده للثانيه الي كانت تسويه لي

ويظهر لك وحده منهم الوجه الحقيقي لها امين يارب العالمين


ارجوكم يابنات ساعدوني كيف اتصرف انا لوحدي وكل تصرفاتي غلط لاني ماعندي احد استشيره واسئله مافي الاالله ثم انتم


احتسبوا الاجر فيني :44:



تعديل طبعا الاخت هي اخت شقيقه بس احنا عيله مفككه ماحد يحب الثاني وهي عدوه لي بكل معنى الكلمه من صغر سننا وهي اكبر مني بسنوات قليله


ولافي شء اني اكل من اكلهم والله قمه الذل والمهانه لان كل وحده منهم لو صار مشكله بينهم كل وحده تقعد تحمد ربها على فلوسها وان الله غانيها


وانا امي تعاملني كاني مجرمه والله الذي لااله الا هو لو اخس انسان لو وجه الارض مايتعامل كذا فظيعه لابعد حد ابكي واشكي منها من فعلها هي وبنتها


وفوق هذا كله اكل من فلوسهم ليش ؟؟؟؟؟؟ ليش الله مايغني زيهم عى الاقل اللقمه اللقمه ولاشئ غيرها انا في تعب ونكد ونصب على الاقل اكلي

من تعبي وعملي مو فضله من خيرهم وواذا اتحمل اني اكل من فلوس امي مو مشكله الله يعيني ويصبرني ولكن اكل من فلوس الاخت لا طبعا ولااحد يرضاها


على نفسه هذي اخت ماهي ام ولااب وياليت اخت الا عدوه مظهره العداوه تكرهني من صغر سني تزعل اذا شافت امي تدعلني واحنا اطفال وهي لا


تفرح بزعلي ودموعي وتنتشي وتغني ويوم عيد عندها والله الذي الا اله الاهو واذا كنت فرحانه قلبت وجهها وعبست وقطبت وسبت وشتمت


اتكلم ماسكت عن فعلها وكرهها وبغضها لي , لكن سبحان الله العز لها والمذله لي