عمري ٢٩ سنه و ......

سلام عليكم اخواتي الكريمات
سجلت عضويه جديده اليوم اشتقت لعالم حواء والسوالف فيه
كنت اتابع المنتدى لما كنت باول جامعه ومر الان ٨ سنوات او ٩ ياسررررع الايام
المهم نسيت الباسورد حق اليوزر حقي الاول ..
اكيد بنساه ٩ سنوات مرت😂😂😂


.
.
المهم مبارك عليكم الشهر حوائياتي الجميلات
وحابه اسولف معكم شوي
انا عمري ٢٩ عام
وقبل ٦ سنوات كنت مملكه بعقد قران وانفصلت لاسباب عدم التوافق بيننا وابوي شاف انه ماهو مناسب لي والحمدلله كله قسمه ونصيب
المهم انشغلت بالجامعه والتهيت وتخرجت وانشغلت سويت لي مشروع محل وانشغلت فيه ولله الحمد .. وكنت م افكر بالارتباط يعني كنت اقول اذا جاء زوج صالح الحمدلله واذا جاء غير صالح برفض وربي كريم .. والتهيت بالحياة
المهم ان بتاريخ ٢٢ / ٧
صار عمرررري ٢٩
وكنت مو مستوعبه حسيت الايام مرت سريعه سرررريعه سررررريعه
ماسرع صار عمري ٢٩
وبديت اخاف واقلق وافكر بالنصيب خصوصا ان كل صديقاتي ومعارفي اللي بعمري تزوجوا .. مرات افكر وتتعب نفسيتي شوي خصوصا لاني انا ابي الزواج عشان اكون اسرة واخلف اطفال وتكون عندي عائلة جميله ومنها احس بالاستقرار العاطفي والنفسيومن رجل محترم
لكن لما اتذكر رب العالمين ولطفه الحمدلله يرجع لي هدوئي وترجع لي طمئنينتي ولله الحمد .. لاني الحمدلله فوضت امري كله لله ..


المهم انو اخر اسبوع من شهر شعبان قررت رمضان هذا يكون غير :


وسويت برنامج ومستمره عليه الى الان ولله الحمد ..


البرنامج هو
١/ الاستغفار يوميا ٦ الاف مره بصيغة (استغفر الله)
٢/ الاذكار الصباح والمساء
٣/ صلاة التراويح
٤/ صلاة الوتر
٥/ خبيئة
٦/صدقه
٧/ الادعيه بالسجود وبين الاذان والاقامه وقبل الافطار وصلاة الوتر وبصلاة التراويح يعني اتحرا اوقات اجابة الدعوات وادعي ربي والح بالدعاء
طبعا قسمة الادعية الى ٤ دعوات ابيها تتحقق :
١/ الله يغفر لي ذنوبي واهلي ويسعدنا
٢/وافوض امري الى الله
٣/ ياجامع الناس في يوم لاريب فيه اجمع بيني وبين الزوج الصالح عاجلا غير اجل واجعله قرة عين لي واجعلني قرة عين له .. وسخره لي وسخرني له .. واجعله اسعد انسان معاي واجعلني اسعد انسانه معاه .. واجعل زواجتنا زواجة الدهر .. يارب العالمين
وفيه شخص خلوق من معارف ابوي هالايام حاسته شخص مناسب لي لان ابوي يمدحه ويقول انسان محترم واخلاق وبار بوالديه كنت ادعي واقول ياجامع الناس في يوم لاريب فيه اجمع بيني وبين فلان عاجلا غير اجل واجعله يتقدم لخطبتي واجعله زوجا صالحا لي ... الخ .. لكن مرات اقول اذا فيه شر لي يارب اصرفه عمي واصرفني عنه ويسر لي الافضل منه
٤/ ودعوه رابعه اتمناها من رب العالمين مافيه مجال اذكرها لانها بيني وبين ربي


هذا برنامجي والحمدلله مرتاحه عليه كثير
بالاضافه الى شغل البيت لاني انا عزباء وساكنه مع اهلي واخواتي ف الصباح انظف البيت وننام ونصحى العصر ونشتغل نسوي اكلات مع الوالده
واحتسب الاجر بكل شيء نسويه
ونحط الفطور
وقبل اروح صلاة التراويح اكون مخلصه غسيل اواني وكل شيء


وبالنسبة للصدقات عادي لو تحطيم مويا برا بالشارع للحيوانات يشربو منها او مويا عند شجرة لان العصافير تجي تحت الشجر والنخل دايم ..




..
وباذن الله متاكده ان دعواتي كلها ب تستجيب بالقريب العاجل
((ربي قال ادعوني استجب لكم )) ونعم بالله




ودعواتي لي ربي يرزقني بالزواج الصالح ابي استقر نفسيا وعاطفيا واخلف اجمل اطفال ..عاجلا غير اجل وييسر امري ويرزقني الوظيفه يارب ..