عمري ٣٣ بس ....!!!!!!!

السلام عليكم ورحمة الله وبركاته
بالعامي وبدون مقدمات وفلسفة وووو
انا جيت افضفض لكم ابي ارتااااح من الهم اللي اعيشه
لان محد يتفهم مشكلتي او حتى يصدقني
انا بنت كأي بنت اتمنى اتزوج وانجب اطفال واربي جيل صالح
طبعا انخطبت بعمر ١٩ ثم ال٢٠ ثم ثم ثم بس ارفض لاسباب
مرة ما اشوفه فارس احلامي
ومرة اكبر مني بكثير
ومرة اشوفه مثل اخوي
ومرة طموحي اكبر منه
ومرة شكله مو حلو
ومرة اخاف اوافق ثم اندم
ما احس عندي ذاك الشغف للزواج اللي يخليني اتنازل عن شروط علشان اتزوج بس
اشوف بنات حولي بعمر ١٨ يوافقون بسهولة ويقتنعون بالرجل على طول
المصيبة مو هنا
لما وصلت ٢٩ او ٣٠ كرهت شي اسمه امومة !!!
وهذا الهم اللي جايه افضفض لكم بسببه
صرت ارفض وجود الاطفال في حياتي تماما
ويمكن لو يجيني اطفال اموت او انجن
صرت اشوفهم عبئ وهم وقرف
ولما يقولون فلانه حامل
اقول الله يعينها ولا يبتليني
ولما اسمع او اقرا وحده تقول الامومه حلم كل بنت انجن وانننقهر من الداخل وودي ابكي
الناس تخاف من عيني لاني بهالعمر وماعندي اطفال
وانا اخاف من عيونهم لاني عايشه حياتي ومرتاحه من الهم والقلق !!!!
تخيلو !!؟
طبعا برغم اني بهالعمر مازلت انخطب بس ارفض لاجل الاطفال وصار حلمي اتزوج رجل عقيم علشان ارضي نفسي ورغبتي وبنفس الوقت ارضي المجتمع واكمل حياتي مع رجل يحبني ويهتم فيني مثل كل البنات
صرت بين نارين وما ادري كيف راح اكمل حياتي ؟
احد مثل حالتي او مر عليه مثلي ؟
صرت بس ابكي لحالي ومحد داري عن وضعي والصراع اللي اعيشه