عمري 20 سنة احلم اكون ام :44:
من كنت صغيرة وانا اتحمل المسؤولية في بيت اهلي خاصة بعد زواج خواتي الي اكبر مني
احس بفراغ كبيرررررر
احتاج زوج وبيت واطفال
لما اتخيل يوم زواجي تهل دموعي
اتخيل بيتي لما نستأجر الشقة
لما اروح مع زوجي نشتري الأثاث اشتري الاثاث الي نفسي فيه
اختار غرفة نوم مثل ما احب اختار مفرش سريري ازين الغرفة واحط مكياجي وادواة عنايتي فوق تسريحتي
اشتري الكنب وافصل الستاير وادخل محلات المطابخ واختار اللون والدرجة الي ابغاها
لما اشتري السجادات ، لما اختار الصبغ وانسق الالوان
اتخيل لما ادخل الصيدلية واشتري اشياء لي كمتزوجة ليس كبنت !
خاطري لما ادخل قسم المتزوجات ادخل فرحانه جايه افيد واستفيد ما احس اني سويت غلط عشاني قرأت موضوع للمتزوجات
عندي رجل استند عليه عندي شخص يحبني ويغار علي
مرات نتزاعل ومرات نتراضى يضمني :35:
احلم باللحظة الي اقول له فيها احس اني حامل ابكي لما اتخيل مبروك مدام حامل
لما اتعب في صلاتي عشان كبر بطني
ولما اداوم في الجامعة ويدق علي زوجي ها بتجين مع السواق او اجيك ؟
آآه ولما اجي للدكتورة اعطيها عذر غيابي ان عندي مراجعات عشان البي بي
احلم اروح البس في مملكتي الي احب مافي عيب وما يصلح
ادلع نفسي وزوجي
احلم حتى بلحظة الولادة
والله اشوف اطفال مواليد واشوف صور ولادة وابكي
اتخيل طعم اللحظة الي ينحط فيها البي بي في حضني
اتخيل لما ارضعه ولما اضمه وهو يبكي
اتخيل لما اقول لزوجي خلص الحليب جيب حفايظ
لما يكبر ولدي او بنتي ويصير يقول لي ماما :icon33:
يا الله فيني غصه احاول امسك دموووعي ما اقدر
لا تقولون بدري من وانا صغيرة احلم بهذا اليوم
انا غير البنات
انا اجلس مع بنات واسمع كلامهم تبي زوج فلووووووس وسفر
والي تبي زوج للدلع
انا ابي زوج وبيت استقرار حب وئام ابي اطفال ابي اطبخ له ابي احس ان عندي مملكة خاصه فيني
اتخيل صباح يوم الخميس اقوم اسوي فطور ونجلس نسولف مع بعض وطفلي مزعجنا
اتمنى جلوسي بالسيارة وبحظني طفلي وبجانبي زوجي رايحين السوق او نتعشى بمطعم او رايحين لأهلي او اهله او حتى مستشفى !
اتخيل ادخل المطبخ واسوي حلا لأني معزومه عند فلانة او بروح بيت اهلي
آآآآآه
لا تقولون اني اكبر الموضوع
انا ابي شعور الامومة وابي الاستقرار ابي اشعر ان عندي بيت لي انا
اتخيل لما ادخل حمامي واشوف شامبو جونسون للأطفال
ولما القى بالزبالة اكرمكم الله حفايظ طفلي <<<< وصف دقييييق
نفسي اسوي زي كل الاناث اروح المشغل اغير من شكلي عشان من عشان زوجي عشان اكون له بالحلال
نفسي والله لما اروح لأهلي ، واجلس فترة ويجي زوجي
لما البس واتجهز وازبط عشانه جاي :35:
اشياء واشياء بخاطري
مرات احس بخيبة امل ومرات احس بقوة امل
×××××××
ما اسامح اي واحده تتريق على كلامي او حلمي
انا تمنيت شيء مباااااح تمنيت شيء حلال شيء ربي زرعه فينا
غريزة الامومة والحب
مهما عملوا اهلي
يضل هذا :arb: غير عن كل عطاياهم
ادعوا لي وكل بنات المسلمين
والله كل ما دخلت وقرأت موضوع لكم يالمتزوجات اقول يارب تحفظهم من كل شر وترزقني يااارب
احمدوا ربكم على النعمة احمدوها نعمة عظيمة عندك بيت يلمك انتي وعصافيرك وحبيبك بالحلال
عندك شخص تفضفضين له تبكين بحضنه تزعلين منه ويزعل منك وتتراضون وتعيشون احلى ايام العمر:39:
على فكرة موضوعي ليس لفتح الجروح بس ابي افضفض وابي دعاء لي ولبنات المسلمين بظهر الغيب وممكن نشارك بعض احلامنا عسى ربي يسعدنا
×××
تم حذف المواصفات / فلا يجوز وضعها على العام
الإشراف
ويرزقك يارب بالزوج اللي يقر عينك ويحبك وتحبيه ويحققلك ماتتمني ويجعلكم من السعداء في الدارين ويرزقكم احلى ذرية صالحه
ادعي كثير ولاتفكري كثير فهمتي ياقلبي عشان نفسيتك