انا من راايي صراحه انك تواجهين ابوك او اخوك الكبير
وتقولين لهم واذا ماقدرتي
اكتبيه بورقه او خلي اي وحده من خواتك تكلم ابوك وتفهمه ان هذا مو في صالحك
والله يكتب اللي فيه الخير ان شالله
والله يرزقنا وياك وجميع اخواتنا المسلمات يارب

الله يعيينك ويسخر لك امك

ذكرتيني بمره امي ردت ناس لان ولدهم من فخذ مو فخذنا واقل مننا

وأمه فيه عرق يعني ... فـ ماجابت طاري عن الموضوع

دريت عن طريق خواتي ... وقلتلها ليه ماقلتيلي قالت مايصلحلك لانه ولو دقت امه بقولها مافيه نصيب

قلت طيب عطيني خبر مااصير امعه انا مدري وشيصير حولي تراني بذمتك

قالت هذاك عرفتي هاه تبينه قلت اصبري بروح اقول لابوي عن موقفك

والله رحت لابوي وقلتله فلان الفلاني خطبني وكذا وكذا

قال عيب وشهالكلام وشو تردونه خلونا نسأل عنه يمكن فيه خير وهاوشني لاني سويت

اني مقتنعه بكلام امي قال وشهالخرابيط من متى كنا نفكر بمستوى وأن أمه من قبيلة ثانيه

الزبده امي تأخرت على المراه ولا فكرت تسأل وأبوي قال ماراح أسأل لين يجون الرجال

وبالنهاية عمتي انصدمت اننا رفضناه تقول محد يرفضه هذا وعطتنا لسته عنه

طبعاً هالكلام بعد ماهم صرفوا موضوع عننا وخطبوا ناس ثانين بحكم اننا ماردينا عليهم خبر

بمدة اسبوعين .... الغلط غلطين استعجال الناس بالخطبه الثانيه وغلط اهلي بإهمالهم لأهمية الموضوع

لكن من بعد هالسالفه وامي منقرصه خايفه :D تقول متحسفه عليه

وانا اقولها عادي لو انه نصيبي كان اصروا على الخطبه لكنه مو نصيبي

وسبحان الله الله يختار الخيره الطيبه

واختي صديقني انا عمري 24 سنه وجميلة وجامعيه والحمدلله ماينقصني شي ولله الحمد ومن قبيلة كبيره وانخطبت كثير بس نردهم لأسباب تافهه والحمدلله مستمره على القران والرقيه

لأن العين لها سبب في مشكلتي

لكن كل ماأتفكر بحالي أقول وش ينقصني عن الي أعرسوا واقعد اوسوس افتح لنفسي باب للهم وانا بغنى عنه

لكن خلك اكبر من هالامور ولا تعطين الشيطان فرصه لك ... وعلى قولت عمتي
مايبطي الا هو نقوه من الناس :D

واسمع " عانــس " هالكلمه من البنات الي يغارون مني بسس


والله ثم والله الاحظهم يستفزوني لما اقولهم انا مبسوطه بقعدة البيت

تلاقينهم يضحكون ويقولون العنوسه مو حلوه اسكتي بس واضحك انا اقول كلن بعقله عايش

ومرات يجون يشتكون يقولون نصيحة لا تتزوجين الزواج مو حلو لاتفكرين تتزوجين ارد اقول ذقتوا العسل وعفتوه خلونا نذوقه زيكم ومسيرنا بنعوفه :D

وسعي صدرك وربي احنا بنعمه كلنا نطمح للإستقرار لكن الاستعجال مو زين

واكثري من الدعاء والإستغفار خصوصاً لما تتناقشين مع امك

وحاولي تكونين جريئه مثلي انا اي احد يخطبني كل البيت يدري :D

عندي اخو يزعل زعل موووووت ليه ماتعلموني فـ صارحي اخوك خلك قريبه منه

وغير كذا انا دايم اجي استشير ابوي وقريبه منه ويقول انتي دانه بس ماجا الصياد :D

والله يفرج كربتك ويسخرلك امك قولي آمين :)

يا بعد كلى قلبي تقطع عليك نفس الحالة جعل ربى يسخر لك والدينك ويرزقك زوجا صالح عاجل غير اجل وانا وجميع بنات حواء ااااااااااااااااااامين ويجعلك قرة عين له ويجعله قرة عين لك واكثري من الاستغفار كان الله في عوني وعونك اختى الغغغغغغغغغغالية