من زمان ما كتبت مواضيع
لكن حابه اعرض قصتي لكم رغم ان احنا ما نعرف بعض
المشاكل في هالقسم كثيره و كل وحده عندها هم او مشكله
انا تزوجت زواجي الاول من انسان ذو اعاقه خاصه بدون موافقتي الله يسامح الي كان السبب
و اخترت اتطلق منه علشان لا اظلم نفسي او اظلمه
و بعد الطلاق علطول تقدم لي في العده واحد مطلق ... عنده طفل منها بعد زواج اكثر من 3 سنوات
و وافقت رغم الاشاعات الي سمعتها عنه
كانو ناس يقولون لي تراه مو راعي زواج
لكن طنشت كلامهم و سمعت لكلام ناس من اهله حلفو لي انه كفو
قلت هذا الي بيعوضني ...
كانت وظيفته جدا ممتازه و حالته الماديه حلوه مستقره و عنده بيت
وافقت و سفرني لاماكن حلوه احلم فيها كان حنون و طيب لكن في يومين انقلب علي صار يعصب من اي شيء يتنرفز
صار يزعل بسرعه ... ينتقد كثير
.. حسيته يكبر المشاكل و هي ما تستاهل
ما يجيني في الفراش الا نادرا
ما يقعد بالبيت كثير فجاه قرر يبيع البيت و انقل عند اهله سافر لحاله اكثر من مره و حطني عند اهلي
ما رضيت !
حاولت احلها تكلمت و ارسلت و تهاوشت و سويت له الي كل الرجال يتمنونه
لبس نظافه ريحه طبخ لكن من شهر سوا مشاكل لا تعد و لا تحصى
حاولت اخلق له اجواء تونسه في البيت
اهديته و فاجئته
لكن ما فيه فائده :smile:
يرجع لشخصيته الحقوده يرجع يطفشني بافعاله و كلامه
انا شخصيتي و الحمدلله قوية ما قدرت اسكت وقفته و قلت " لا تغلط علي او تجرح فيني ما تبيني طلقني "
لان البيت يجمعنا بيصير جحيم لا انا ابعيش فيه و لا انت بتعيش فيه
حاولت و حاولت
و حطني عند اهلي شهور تبادلنا رسايل و مكالمات مره سب من غير الفاظ سوقيه مره
كلام عادي مره عتاب مره اسأل
طلبت منه الطلاق اخر مره لان حسيت اني افرض نفسي على شخص معقد و لا يتحمل مسوؤليه و يتخلى بسهوله
عطاني وجه حنون و طيب في اول يومين بعدها ظهر على شخصيته المتصلب المعقد كان يهدد بالطلاق كل شوي
لكن اخترت احب نفسي و اختار الطريق الي يرضا فيه الله
رغم انه لما قال بيطلق بعد تطنيش شهور قلت بحاول اخر شيء و بشوف وش بيطلع معي علشان لا افكر اني في يوم قد اندم اني ما حاولت ..رحت و كلمته و قلت له و اعتذرت لكن باختصار قال الله يسهل دربك
ارتحت و في نفس الوقت احس زعلت ليش كذا يصير لي :confused:
حكم علي في وقت قصير و استغنى عني بسهوله و الحمدلله ما صار حمل
لكن الحمدلله على كل حال انا مؤمنه بان الله يختار لي فيه الخير
و دايم كنت ادعي "يا رب اذا فيه خير رده لي و اذا بيضرني ابعدني عنه"
انا الحمدلله على وشك استلم شهادتي البكالوريوس
وعندي شهادات اخرى
و الحمدلله ربي رزقني بالجمال المتواضع و لا يعيبني شيء
لكن الرجال هذي الايام صارو استغلاليين لضعف المره الى أبعد درجه .. الا من رحم ربي
عسا الله يرزقني و اياكم الفرحه الدائمة
و يا رب تتبدل همومنا افراح ... بالاخير انا يهمني اخرتي اكثر من دنياي
و خذو نصيحه مني رغم ان عمري قد لا يسمح للبعض يتقبلوها مني
لكن لكل الي تعاني مع زوجها في بداية زواجها و صابره على ولا شيء .. رضا الله اهم من كل شيء لا تغلطي في حق نفسك احترمي ذاتك و خذي حقك محد غيرك يعرف الي لك .. انتي تقدري تساعدي نفسك بنفسك
وثقي بالله و كلام الناس لا يودي و لا يجيب
و الحمدلله على كل حال
و احبكم في الله :smheart:
22-SOS @22_sos
عضوة نشيطة
يلزم عليك تسجيل الدخول أولًا لكتابة تعليق.
محبة مكة11
•
الله يعوضك
lolo 110
•
كلام جميل ومنطقي
والله يعوض عليك بالزوج الصالح ويرزقك بالذرية الصالحة
بس لا تنسين كل رجال له عيوب وصعب نمشي الرجال عأذواقنا ونغير من شخصياتهم
تقدرين تغيرين طبع اما شخصية كاملة صعب
فالذكية الي تعرف تتأقلم وتروض الرجال وتفهم مزاجه
لانه لو كل حركة تطبقت لعيب بالرجاب كانو حريمنا كلهم مطلقات
والله يعوض عليك بالزوج الصالح ويرزقك بالذرية الصالحة
بس لا تنسين كل رجال له عيوب وصعب نمشي الرجال عأذواقنا ونغير من شخصياتهم
تقدرين تغيرين طبع اما شخصية كاملة صعب
فالذكية الي تعرف تتأقلم وتروض الرجال وتفهم مزاجه
لانه لو كل حركة تطبقت لعيب بالرجاب كانو حريمنا كلهم مطلقات
الله يعووضكك ويريح بالك وقلبكك والحمد لله توك صغيرة تفائلي ، لا تحزني دام الله حي قيوم قادر على كل شيء ..
الصفحة الأخيرة