عادي انا تزوجت وعمري 26

ترا مو شرط كل البنات يتزوجون لازم بعمر ال 16 و 18 عشان تعيش السعادة

السعادة في امور كثيره بس انتي حاصرتها في الزواج والزوج

والله مرات من كثر المسئوليات اللي على راسي وخصوصاً بعد ماجبت بنتي واشوف اني ما انام منها

اتمنى ارجع عزوبية واعيش حرة

ياربي اول ماقريت عمرك ماكملت قراية

انتي ياخيتي والي مثلك تعقدون الي صدق كبار وماتزوجوا

تلاقينهم يقرون كلامك ويقولون هذي ام 25 تقول كذا اجل انا ام 35 ولا ام 40 وش اقول!!

ياختي توك شابه وصغيره استمتعي بشبابك وعيشي حياتك وادرسي لغة وادرسي اتيكيت وفن تعامل وطوري شخصيتك

اشتري روايات وكتب تثري عقلك وروحك سوي لك بزنس اذا اهلك من النوع الي مايخالف

لو ارجع لعمر الخمس وعشرين باسوي اشياء كثيره ماسويتها

مع العلم اني لما كنت بالعشرين كنت زيك ماسافر الا داخلي وموظفة بوظيفة راتبها جدا قليل بس الوقت الوقت الله يرزقني الوقت ويبارك لي فيه ويبارك لي واياك في شبابنا وصحتنا ومالنا واحبابنا

السلام عليكم ....اختي انا مقدرة مشاعرك وحاسه فيك ...كل انسان وله همه بالدنيا ومشكلته اللي يشوفها بالنسبه له اكبر مشكله في حياته...حرمه عندها مشكله زوجها فعلا الدنيا تشوفها مسوده ماتشوف الا هالهم .....ولد مشكلته جد وظيفته ومتازم موقادر يكون مستقبله وغيرهم من البشر ....البنات مثلنا نشوف هالمشكلة انها مازمتنا بالنسبة لحياتنا اللي عشناها هذي اكبر مشكله عندنا واكبر مشكله وقفت في طريقنا.... فانا مقدرة مشاعرك ولا استصغر اي شعور تحسين فيه لاني مثلك وزاد علي اني حساسة كل شي اتاثر منه انا اكبر منك بكم سنه بالنسبه لي يا اختي كيف اقضي عمري جربت اكثر من طريقة طول مدة فراغي من خرجت من الثانوي


مثلا.. خرجت مشاعري وفرغتها في لوحات رسم ومرت سنين حاليا انا فنانة تشكيلية عندي خبره اكثر من 10 سنوات شاركت معارض مسابقات نسقت مهرجانات صممت حاولت ادخل الفرح في قلبي والحمد لله كنت مبسوطه لكن ما اخفيك اني لس كنت احس بضيق والم وابكي هذيك الايام ماكنت الاقي علاج ولا احد يبرد قلبي ولا احد دق باب بيتنا وطلبني لا وبعد انا رومنسية وودي باحد يحبني واحبه زاد همي يوم اشوف خواتي في ناس يتقدمون لهم بس انا لا ....... الحمد لله اكتأبت فترة وجاني خوف اخاف من كل شي صرت اخاف حتى من اشياء ماتخوف ولما استشرت عن بعد دكتورة قالت انتي فيك نوبات خوف وقلق ..ممكن من ظرف عشتيه...لما شفت الدنيا سودت بعيني رحت اشكيله اللي دائما لاضاقت فيني الدنيا شكيت له حتى من ايام وانا صغيره بعشر سنين اذكر اني كنت كثير الجا له رحت لربي سبحانه الكبير العظيم ودعيت وتمسكت به بكل مافيني وطلبته انه يشفيني ويريح قلبي ويسامحني لاني انا مقصرة كثير....... كنت اسمع كثير اغاني وابكي معها عساس تخفف من مشاعري اسغفر الله..لما لجات ربي سيرني بطريق جمييييل شفت النور والله نور مهو اللي نعرفه نور داخل قلبي براد وراحه في صدري وتمسكت فيه اكثر وقلت يارب بترك كل شي يغضبك لاجل وجهك الكريم الحمد لله التزمت من يومها وانا اقوى في ديني الحمد لله اللي بلغني ارتحت كثير فتحت عيني على اشياء كثير كنت غلط فيها صديقات اسلوب حياتي صفيت كل شي غلط تركته حتى صديقات السؤء تركتهم وبدلت بخوات للي في الله صالحات حجابي عدلته ورجعته للحجاب الشرعي حفظت سورة البقرة وناويه اكمل لين اختم باذن الله كل شي التزمت فيه الحمد لله قلبي مبسوط الحين الله يديم لي وللجميع نعمة الدين ويثبتنا ويزيد ايماننا يارب وحتى شعور ورغبتي بالزواج لما احسبها واني ابي اكون مثل صديقاتي الجا له وادعي له لين قلبي يبرد والله ما انزل يدي من الدعاء الا وكان احد مسح على صدري ويروح الهم وينشرح وارجع اضحك وانتظر الفرج .بس اول همي الزواج اللحين همي صار القى ربي وهو راضي عني نفسي اراه بالجنه ...والدنيا بكيفها ورغبتي بالزواج لها رب قوي وكلته امرها وسبحانه دائما يعيني ولا مرة رجعت خاليه.