اُم سـعيـدَ @am_saayd_34

عضوة جديدة

عمري 26

صباح الخير حوائيات ..
طبعا انا عضوة يديده وسجلت فالمنتدى من اسبوعين تقريبا ولكني من متابعينه من سنوات ..
مشكلتي يا بنات ان خطابي وايديين وتتم النظرة الشرعيه واهل الولد يكونون طايريين فيني ولكن فجأه وبدون أي سبب تتفركش الخطبة وبصراحه يا بنات صارت عندي عقده من موضوع الزواج ومتى ما ينفتح موضوع ان في خطاب ازعل واتضايق وادخل في حاله نفسيه صعبه ،، والكل احتار في امري وانا احترت اكثر ..
عزيزاتي من مرت بنفس وضعي وشو صار وهل توفقت وتزوجت او لا ،، اعطوني تجاربكن بارك الله فيكن لاني بديت ايأس من موضوع الزواج ..
والله يوفق كل عازبة ويرزقها بولد الحلال ..

يلزم عليك تسجيل الدخول أولًا لكتابة تعليق.

تسجيل دخول

الهنوف العروي • 9 سنوات

الله يوفقك بالزوج الصالح ويرزقك بالولد الصالح

بنت اخت زوجي زي كذا انخطبت اكثر من عشر مرات وكل مرة تتفركش سواء من جهتها او من جهة الخاطب
بس ترى بقولك شي اللي ماهو مكتوب لك ماهو مكتوب لك يعني لا يجي في بالك ان اللي تفركشت خطوبتك معه مكتوب لك معناته ان رزقك لسى ماجاك.

وأزيدك اختي نفس وضعك انخطبت اكثر من 8 مرات وكل شي يخرب في النهاية وهذي هي عايشة حياتها طول بعرض الله يهنيها ويرزقها ويرزقك

أمل لا ينتهي • 9 سنوات

ياقلبي الله ييسر امرك انا يمكن انخطبت عشرين مره ومثلك كل مره تتفركش اما من جهتنا او جهتهم وكبرت وقلت خلاص مستحيل اتزوج لاني وصلت عمر 38 وانا انتظر وسبحان الله ربي رزقني بشخص طيب وغير متزوج والان انا على وشك ولاده اول مولود الله كريم لكن كل شي في وقته اكثري من الدعاء والاستغفار

طينة جنة • 9 سنوات

شوفي في الأمر خيره لج
انا كنت شراتج و يمكن أكثر
انا وصلت وياي لدرجة والله ملجت وطلقني خلال اسبوع بدون سبب

و ياما انخطبت و 3 مرات أكون مفصلة فساتين للملجة ويصير شي يفركش الموضوع كله

والحمدلله عقبه ربي رزقني ب ريلي تبارك الله يسوى إللي خطبوني كلهم

عليج بالإستغفار و الدعاء و انا اختج

وفالج أحسن الشباب يا رب

شهلاء العيون • 9 سنوات

السبب اختي ماجا نصيبك
لاتتعقدين ولاشي توكلي علي رب العباد سبحانه وهوخيرالرازقي

مريم يحي • 9 سنوات

اختي نفس الوضع انخبطت كثييير أكثر من 12مره وتتفركش والحين ولله الحمد الله رزقها بإنسان طيب وملكت وزواجهاشهر 10 الله يتمم فرحتها على خير