روميسيا :

الله يسعدك ويخليك لعين ترجيك طيب ..عندي إستفسار حواجبي مو كثيره مره بس مو مرتبه وانا مااحب اصبغهم لأن الصبغ حسس بشرتي وطلع حبوب وكرهت الصبغ احط مخفي حواجب وارسمها بالتاتو الأسود وقريت أن اللون الأسود مايناسب السمر يناسبهم اللون البني !! طيب شعري اسوود عادي ارسمهم بني ولا مايناسب

الله يسعدك ويخليك لعين ترجيك طيب ..عندي إستفسار حواجبي مو كثيره مره بس مو مرتبه وانا مااحب...

عين جارية :

اخلطي بالخلاط بطاطسة وخيارة وشووووي موية ورد ووزعيها في مكعبات الثلج وفرزنيها ويوميا مرريها تحت العيون والوجه كله واتركيها ليما تجف هالطريقة تشد وتخفف الانتفاخ وتفتح الاسوداد برضو جيبي اي زيت عندك مثل زيت اللوز واعملي مساج من زاوية العين الداخلية الى الخارجية سويه يوميا عشرين مرة تحت العين بيخف الانتفاخ وممكن يكون عندك املاح كثري شرب موية.

اخلطي بالخلاط بطاطسة وخيارة وشووووي موية ورد ووزعيها في مكعبات الثلج وفرزنيها ويوميا مرريها تحت...

جينان.. :

الاساس تعرفي قيمة نفسك وتحبيها لانك لو حبيتيها رح تحبي تسوي كل شي يفيدها ولازم تزيدي ثقتك بنفسك بعد وكمان انتي مكبرتها ترا العناية مايبغالها اختراع ذرة وانك تهلكي نفسك خليها عادات يومية اساسية وعلى فكرة مافي واحدة 24 ساعة كاشخة وياما بالبيوت حالات مو كل يوم نكشخ ولا كل يوم مكياج لكن النظافة والترتيب والاناقة هي اللي لازم تكون يومياً وعلى فكرة مو لازم كل يوم 24 ساعة مكياج كامل بكريم اساس واي شاادو والخ اصلا غير صحي طبقي اللي بقوله لك الحين كبداية لك تروحين الصيدلية تاخذين كريم وجه مرطب خالي من الكحول للبشرة الحساسة ضروري ضروري يكون عندك كريم مرطب لبشرتك ومقشر للوجه للبشرة الحساسة واسالي لو في بدون صابون يكون على هيئة كريم او بنفس قوام الطين ناسية الماركة لكن دوري بتلقي اساسي يكون عندك مقشر للبشرة وكريم مرطب هذا بيجدد خلايا وجهك والكريم بيرطب جلدك وينعمه ويورده تروحين السوبر ماركت تاخذين لك فازلين بزبدة الكاكاو ومقشر كريم كاب للجسم وليفة خشنة شوية وتاخذين بعدها زيت اطفال للجسم كامل + كريم مرطب لكامل الجسم برضه + تاخذين كريم مرطب للشعر في من نيفيا دوف جارنيه الخ .. اختاري كريم منهم على حسب نوع شعرك نيجي للبس , واحدة من غلطاتي زمان اني ماكنت اخذ ملابس داخلية بجايم ملابس بيت حلوة حاولي اي بجامة مو حلوة مشقوقة واسعة مو مرتبة اي كلام انك ترميها وماتستخدميها خذي بدالها بجايم انيقة و ترينجات رياضة تيجي بنطلون وبدي ضيق وفوقه جكت او سديري , فساتين للبيت قطنية شورتات وخليها لبسك اليومي وأبيك كل يوم تبدأئين هالروتين وتغصبين نفسك عليه الين تتعودين لو استمريتي اسبوعين ثلاثة رح يستمر معك العمر كله تصحين تاخذين دش , بعد الدش ولسه جسمك مبلول تحطين زيت الاطفال وتسوين مساج خفيف لكامل الجسم كل يوم تغسلين وجهك بغسول الوجه المقشر وبعدها فورا تحطين كريم الوجه المرطب تمشطين شعرك وتحطين فيه نتفة كريم خاصة على الاطراف بعدها تلبسين لبس مرتب ماسك عليكي والوانه حلوة وانيق وبعدها فوراً تروحين للتسريحة تحطين كحل لعينك او ايلاينر فوق عينك اختاريه ضد الماء يبقى معك طول اليوم ثم تروحين تحطين مسكرة وروج سحري , لا تحطين كريم اساس ولا ظل عيون ولا خافي عيوب فقط هالاشياء تكفي تلبسين اكسسوار يناسب لبسك وترشين عطر يومي خفيف مثلا يكون ريحة ورد ياسمين او ممكن ريحة فواكه اي شي خفيف شعرك تنوعي فيه مو لازم كل يوم استشوار , مرة تسوينه كعكة لكن تحطين بكلة حلوة عليه مرة تسوينه ضفيرة على جنب مرة تحطين جل وتخليه مثل ميريام فارس مرة ذيل حصان وكل يوم شكل ومثل ماقلت مابياخذ منك ثواني كل هذا مابياخذ من صباحك ربع ساعة وتبقى معك لكامل اليوم البسي بالبيت صندل بيتي لكن يكون انيق وبكعب خفيف بيعطيك طول وشياكة ومريح بنفس الوقت لو تتعودين كل يوم على هالروتين وتشوفين نتيجته على نفسك رح يحمسك انك تبي تسوين اكثر منه بعد ماتخلصين شغل البيت وحسيتي نفسك فاضية شوي تقدرين تغيري لبسك لمثلا جنز وبدي تنورة وبدي الخ اي شي جميل تكشخين فيه ووقتها زيدي الروج بس وعليه عطر اقوى من الصباحي حاولي بغرفة نومك وبالحمام يكون في كحل وروج وعطر بحيث كل ماتدخلين الحمام وبعد الوضوء تعديل الكحل وتجددين الروج وترشين العطر بكل غرفة حطي كريم مثلا وانتي تتفرجين تلفزيون حطي على يدك منه بغرفة نومك حطي بالمطبخ بالذات بععد غسيل المواعين كله خليه قدام عيونك من بعد صلاة المغرب مو شرط كل يوم ممكن بالاسبوع مرة مرتين حطي مناكير اسلامية وقلت اسلامية عشان المناكير العادية بتكسلي تشيليها وتمسحيها فبتكسلي اصلا تحطيها لكن الاسلامية تتقشر بثواني وانتهينا حاولي انه على الاقل يومين بالاسبوع تلبسين بعد العصر مثلا لبس كشخة مع مناكيره ايام الدورة اول ماتنزل عليك اركضي وحطي مناكير ثابتة بلون حلو خلي جنب سريرك عطر , قبل النوم تبخين منه هالشيء جداً انثوي ويعدل مزاجك انك تنامين وتصحين على ريحة حلوة اختلطي ببنات يحبون االدلع والكشخة بيعدونك تابعي حسابات تهتم بالانثى من مكياجات عطور الخ بيحمسك تقومي دلعي نفسك ببساطة فكري انا لازم استمتع بنعم ربي علي لا تستسلمي للكسل صدقيني لو سويتي النظام اللي قلته لك نفسيتك رح تتغير زوجك رح ينبسط وهي اشياء بسيطة كل يوم

الاساس تعرفي قيمة نفسك وتحبيها لانك لو حبيتيها رح تحبي تسوي كل شي يفيدها ولازم تزيدي ثقتك بنفسك...