عمري 28 و ما حد خطبني خايفة ما اتزوج ليين اموت

السلام عليكم أولا اشكر سيماء إلي خلتني أكتب من معرفها لأني سجلت من أسبوعين و للحين أستنى يخلوني اكتب موضوع
:(
أخواتي أبيكم تنصحونى أنا عمري 28 و قربت على ال 29 للحين ولا مرة اتخطبت

أكيد بتقولون فيها شي هالبنت أو ناقصها شي و أنا والله لا أقصد أن امدح نفسيي و لكني المفروض جميلة و سمعتي مثل المسك و من عائلة محترمة

ما ادري شنو السبب

ادري بتقولون مكتوب من الله و أنا مؤمنة انه موضوع رزق و لكن خاااااايفه حيل

خايفة ما اتزوج

احس كبرت مرا

كل البنات إلي من عمري تزوجو إلا أنا

إحنا في ديرتنا البنات ما يتزوجون صغار يعني تقريبا 24 - 26 لأننا كلنا ندرس و جامعيات بس أنا خلصت دراستي و توظفت و الحمد لله و مب ناقصني شي إلا زوج

ما اقول ما حد عبر عن إهتمامه يعني لما اروح زوجات اشوف يناظرون و يقولون لي ما شآء الله و عروس و من ذا الكلآم بسمة حد دق بابنا للحين

تعبت و أنا افكر لييش

مو قاهرني إني ما تزوجت اكثر من قهري من السبب وش هو عجزت افهم لييش معقولة كذا ؟؟


صعب نظرات الناس و السؤال لييش ما تزوجتي .. ما ادري وش اقول
انصحوني :(