الحمدلله على كل حال الي يشوف مصيبة غيره تهون عليه مصيبته
شوفي اختي ترملة وهيا عمرها 23 خطبها واحد من الجماعه زي القمر الله يرحمه جميل جمال مو طبيعي
استخارت وماارتاحت بس امي ضغطت عليها الله يهديها ويسامحها
الين وافقت وملكه وامه بتطير فرحه لانه اول ولد لها تزوجه
وبتسويله حفله ملكه كأنها حفلة زواج حجزنا قاعه كبيره ومطربه والحلى والبوفيه والذبايح واختي فصلت الفستان وحجزت المصوره والكوشه وكل شششي
قبل كم يوم وهوا جاي من دوامه في الطايف توفى في حادث
اختي حزنت حزن شديد الله يعوضها يارب لها اكثر من شهرين وهيا تكلمه وتقابله وكانو طايرين فينا وفرحانين ومجهزين كل شي من بدري واي شي اختي تطلبه يتنفذذذ تخيلو امه تقول مااسوي شي الا لمن العروسه تشوفه اهم شي يعجبها
الله يعوض اختي ويعوض امه يارب اخوه اللي اصغر منه توفى قبل 3 سنوات تقريبا كان يعاني من السرطان وابوهم متوفي مااحد شالهم الا امهم كل شويا مسافره الرياض تعالجه اخر شي مات الله يرحمهم ويرزق امهم الصبر
يعني كونك الين دحين ماتزوجتي يمكن خير لك
اختي حاالها مايسر العدو ادعولها تكفووووون

شوفي ياقلبي المعاناه كلن يعانيها ياكم متزوجه ومتزوجه
عايشين على امل مقتول
زوجها كنه غريب معها
اصبري وربي بيعوضك خير

انا وصلت 31 ماتزوجت


الارزاق بيد الله
ولي قريبات بنفس عمري 31 متزوجات وعايشين ازفت عيشه ورجالهم متزوجين عليهم
وصديقتي 30 متزوجه وكارهه نفسها
وبنات 24 متزوجات وازواجهم معذبينهم


واعرف وحده جمال خرافي تبارك الرحمن
جميلة جداجدا
وصلت 34 ماتزوجت

ووحده قمه بالجمال والاناقة والرقي يصلح يتزوجها امير او وزير وصلت 37 ماتزوجت

لكن بالنهاية نصيبهم راح يصيبهم وربي يبارك الك ويوفقك ويرزقك

انا تزوجت وعمري 32ما شاء الله كان موضوع الزواج مش شاغل بالي ههههه كنت اشوف نفسي نونو وحيدة امي و متدلعة ع كيفي 

اذكر قبل الزواج اللي متزوجات يقولون ايش لك بالزواج و العيال و قرفهم !!! و الله غريبين
خلونا نجرب و نحكم بنفسنا و اذا كان الزواج و العيال قرف ليش للحين متحملين ازواجكم و ما شاء الله كل سنه يابت لها ياهل 
لا يرحمون ولا يخلون رحمة ربهم تنزل 


ربي يرزقك و يرزق كل البنات بالأزواج الصالحين
و تعيشون العسل و البصل فالزواج لازم نذوق المر  شويه عشان نعرف الحلو 

الله يرزقك وكل بنت ماتزوجت الزوج الصالح المعين على الدنيا الموجه للاخرة اللهم امين