السلام عليكم ورحمة الله وبركاته
اسعد الله مساءكم حبيباتي بكل خير
حبيت افضفض لكم كملت 30 سنة ولسه ماتزوجت والحمد لله على كل حال
بصراحه دائما افكر وشايله هم اتزوج واحد اصغر مني او متزوج او مطلق وعنده عيال
اختي اللي اصغر مني عمرها 24 انخطبت بس ماتم الموضوع ... مع ان المعرس كان اكبر مني بالعمر لكن امه قالت يبي وحده صغيره مره يعني كنت في نظرهم عجوز
الله يسامح امي جتني كذا فرصه لما كنت ادرس بالجامعة بس امي ماوافقت علشان الدراسه ولا كانوا يقولون لي .... ولما خلصت دراستي ماجاء الا المتزوجين .. اخر اربع سنوات تقدموا لي 2 كلهم كانوا متزوجين وابوي قالي بوجهي انتي كبيرة وش تنتظرين
دائما ادعي ربي يرزقني بالصالح .. بس كل مااشوف اللي حوالي اغلب الشباب يطلبون بنات في اوائل
العشرينات احس فرصتي تقل ماابي اخذ واحد صغير ولا متزوج
يارب افرجها علي وعلى جميع العازبات واغننا بفضلك عمن سواك
سهره 2014 @shrh_2014
عضوة
يلزم عليك تسجيل الدخول أولًا لكتابة تعليق.
Amon27
•
الله يرزقك باللي على خاطرك لا تستعجلي يمكن الله سبحانه دفع عنك بلاهم هذه انا تزوجت مرتين ولا توفقت وعمري27سنه،غير المكتوب مابتاخذين وأدعي وصلي القيام وأدعي أن الله يرزقك من واسع علمهويجعل(أثقل السحب مشيا أغزرها مطرا)
طيب واذا صرتي ما تزوجتي ؟ يعني انا ما اقصد اني احتقر مشكلتك لكن انا ما ابي حالتك النفسيه تروح وطي بسبب ها الموضوع لانه يا كثر الي مثلك واصغر منك بالعمر بعد ويمكن خيره برضو انك ما تزوجتي للحين لسبب ولا الثاني الله وحده العالم عنه ودوري لك شي تشغلين نفسك فيه لين ما يجي شخص مناسب لكن فكري بعد بالاحتمالات الثانيه مو تخلينها تعدي بدون تفكير واستخيري وأسألوا عن الي يجونكم
الصفحة الأخيرة