والله ياقلبي الشيخ خالد الجبير قال انه فيه وحده اتزوجت وعمرها 47 سنه من اعزب وربي وفقهم
لانه من يتقي الله يجعل له من امره يسرا ويرزقه من حيث لايحتسب
الله يرزقك الزوج الصالح عاجلا غير اجل وماتجي السنه الجايه الا وولدك بيدك
ياااااااااااااااااارب

ايش رايك خالتي عروس وعمرها 46 وهذا اول زواج ومتزوجة واحد مو معدد ولا قد تزوج :)

ومرتااحة معاه

سبحان الله نصييييب

قابلت وحده قبل كم يوم سنها فوق الثلاثين وكانت عاديه سبحان الكريم ربي رازقها بزوج طيب وثري وكريم ووسيم

ولا تنسين حبيبتي الله عزوجل يقول انا عند حسن ظن عبدي بي يعني ادا تاملتي في الله خير انه راح يسعدك وتتزوجين الله يكون عند حسن ظنك واذا شعرت بالعكس واليأس والعنوسه الله يحقق الشي هاذا والله لايقدر لك الا بكل خير وسعاااده وهنا يارب

شوفي حبيبتي كونك في الثلاثين وما بعد تزوجتي فيها اشياء كثيره منها انك حرة نفسك تنامين متى ماتبين تصحين متى ماتبين تطلعين متى ماتبين مافيه احد يقولك مافيه طلعه ولا وينهوله ولا وشوله ولا وش انت لابسه ياشيخه توك عيشي عمرك اشوف هالجيل صاروا مايتزوجون الا فوق الثلاثين وماصارو الناس يكثرون عيال زي اول يعني حطي في بطنك بطيخه صيفي الحين اللي معرسين من سنة جدي ماعندهم الا ثلاثه او اربعه واذا قلنا وراكم قالو يكفي الله يصلحهم فلاتخلين الافكار بالمستقبل تاكلك وخلي الايام تمشي مثل ماالله كاتبها ماتدرين حبيبتي يمكن السنه الجايه مثل هالوقت وهالساعه في بيت زوجك مافيه شي بعيد على رب العالمين ومن توكل على الله رزقه مثل مايرزق الطير فوسعي صدرك وعيشي يومك ولا تشغلين بالك بامر في علم الغيب

يارب يرزقك بزوج صالح حنون يسعدك ويعوضك ويرزقك الذرية الصالحة ونشوفك احلي عروسة