عملتي اطفال الانابيب مانجحت......تعالي .. خذي من تجربتي ..

بسم الله الرحمن الرحيم

السلاام عليكن ورحمة الله وبركاته


اليكن تجربتي مع اطفال الانابيب على قول علامات الحمل

ثاني يوم بعد الترجيع صار عندي سخونة ورشح وجع بالحلق وقحة

وتاني اسبوع وجع بالظهر والبطن نفس الام الدورة وكبر صدري وكمان كان يوجعني وفيه وخز

ولما اضغط يطلع منو سائل شفااف ..وبعمرها ماصارت معي هالاعراض ...

وما حكيت لحدا ولا سالت حدا ..مو حابة اتامل عالفاضي واامل حدا وينكسف ..وصبررررررت على

الاسبوعين الي هم اطول 14 يوم بحياتي
...

وبعدها عملت التحليل شو النتيجة>>>> Negative

والله على قلبي ابرد من العسل .....ولا اتضايقت ....وعلى طول قلت الحمد لله اللهم أؤجرني في مصيبتي واخلف لي خيرا منها
......

بس بتعرفي شغلة اذا حكتلك انها مانزلت من عيوني دمعة حزن على عدم حملي ..صدقي

حتى زوجي ماشافها حماتي ياحرام دمعت قدامي وانا اهدي فيها واواسي فيها ,,..الله يخليلي اياها كانت زمان شريرة بس اليوم بفضل الله بحبها وبموت فيها ...:11::icon19::heart:

وحكتلها ياعمتي لو بيدك تعطيني ولد كان اعطتيني حكتلي اه ...حكتلها وكمان بابا وماما ..وعمي (الي هو زوجها يعني ابو زوجي ) لو بيدهم يعطوني ولد كان اعطوني؟؟ حكتلي اه ..فقلتلها وربي ارحم بي منكم كلكم

لما يريد ربنا رح يجي ...هو رزق من الله متى اراده لي انما يقول له كن فيكون ..


والله مابكيت الا بين يدي ربي امبارح لما صليت المغرب وكتر الافكار والهواجس الي بفكري بسبب عدم وجود حمل وعدم نزول الدورة مريت بلحظة ضعف وان دموعي نازلة لامحال ..رجعت الدمعة وصليت المغرب ورفعت ايدي ادعوه جل في علاه كلام حسيت قلبي بينخلع وانا بحكيه ..واقول يارب بين لي امري ووضحه لي يارب ريحني يارب انت وحدك العالم بحالي وابكي متل الولد الصغير وحاسة قلبي بيطلع من صدري من سرعته صرت اسمع دقاته بشدة وانا خاشعة بين يدي ربي واجهش بالبكاء وادعو واحمد الله ..بتصدقي اختي كنت نايمة وبطني يوجعني وجع دورة واحكي وانا نايمة الحمد لله اجت الدورة وصحيت الصبح لقيتها جاية والله !! فررحت لان ربي استجاب دعائي ورحمني من العذاب الي كنت فيه ..

بتصدقي اختي ..ان بابا وماما وخواتي واخوتي كتير زعلانين علشاني وحماتي كمان تدمع وانا اصبر فيهم ..

اختي هاي نتيجة دعواتي ..هاي نتيجة توفيق الله لي ما جزعت ابدا وما خليت الشيطان يدخل لقلبي ويحكيلي ما انا بصلي بعمل منيح ليه مازبط ..وغيري كل سنة ولد ..لا والله ..حمدت ربي على الثبات ..

ما تستعجلي نتيجة الدعاااااااااء لانه لو ما استجاب الله حتما اثار الدعاء حتعود عليكي بالنفع

بتثبيت الله لكي ..وان يربط الله على قلبك والله ما اعظمها من نعمة ...

خذيها قاعدة بحياتك حبيبتي لن امل من الدعاااء ...سادعو الله ليلا نهارا ...لو لم يستجب لي في الدنيا

حتما ساجدها في الاخرة ... حتما ربي ارحم بي من امي وابي ومن نفسي ..يا الهي ما اعظمك ..

يعجز عقلي عن معرفة حكمتك ولكني سلمت امري ووفوضت امري اليك فسير لي حياتي كما تحب وترضى

وارضني يااارب.....