عملت اشعة الصبغة ..لكن صار معي شي غريب بعدها

اهلين بنات كيفكم ان شاء الله تكونو بخير وصحه وربي يرزقكم باللي تتمنوه

حبيباتي انا عملت اشعة الصبغه وتمنيت اني ما عملتها بعد الالم الفضيع اللي حسيت فيه الم ما اقدر اوصفه الا انو مشارط تقطع في البطن

ويمكن قليل عليه الوصف هذا غير التنميل والتشنج اللي صار في يدي اليمنى ..الحمدلله على كل حال

يمكن يكون من التوتر والصدمه لاني ما كنت متوقعه انها تألم لهالدرجه على كلام بعض البنات انها تشبه الام الدوره بس الحقيقه شي ثاني

ما ادري يمكن الاجسام تختلف ودرجة حساسيتها او يمكن الالم له اسباب ثانيه انو يمكن يكون فيه سدد وانفك مع انو الدكتور قال كل

شي تمام والانابيب مفتوحه المهم يا بنات انا صار لي شي ما ادري اهو طبيعي ولا لا وياليت اللي صار معاها مثلي تفتيني في امري

انا بعد الاشعه طبعا طلع مني الله يكرمكم بقعة دم احمر انا كنت في البدايه مفكره انها الصبغه لاكن لما سألت قالولي هذا دمك ولما خلصت

قالت لا تخافي ممكن يطلع معاك دم تراه شي طبيعي ما تقلقي ابدا المهم بعد مارحت البيت بـ5 ساعات بدت تطلع مني قطع دم متجلط

اسود زي الخيوط طبعا لها يومين وما انقطعت الى الان غريبه ما ادري ايش اسبابها

انا عملت الصبغه 8 يوم من الدوره والمفروض اني طهرت بس ما ادري

الحين صايره اوسوس اني يمكن اكون لسى ما طهرت تماما لان بعض الاحيان تنزل مني هالخيوط اخر الدوره

واللي مقلقني اكثر لو اني ما طهرت تماماً وعملت الاشعه ممكن تضرني ؟؟

بنات الله يخليكم اللي عندها فكره عن الموضوع لاتبخل علي بالرد
واكون شاكره لها ..

واللي ماعندها يكفي دعوه حلوه

وربي يجزاكم الجنه جميعا ويحقق لكم كل ما تتمنو وما يحرمكم من خير الدنيا والاخره