عملت انهاردة كفتة مسلوقة على طريقة جدتى احلى من المقلى والمشوى

انا اول مرة اعملها والسبب جبت لحمة مفرومة امبارح من المول وطلعتها الصبح ولما فك الثلج منها وهى لسة باردة بشرت عليها بصلة وحطيت عليها رشة توابل الكبسة لبندة وشويه حبهان مش كتير وملح وجيت اعجنها حسيت انها ناعمةعلى غير المعتاد قلت دى بايظة ولا اية ارميها لكن ملهاش ريحة ومكتوب عليها بتاعت انهاردة فخفت انى اقليها او اشويها فقررت انى اسلقها زى جدتىكانت **** يرحمها تعمل مقلى ومشوى ومسلوق فحطيتها فى التلاجة لحين الاستعمال لان جوزى صايم ولما طلعتها رشيت عليها رشة نشا معلقة اواتنين وعجنتها تانى طبعا جدتى ما كنتش بترش نشا لان اللحمة ما كنتش محتاجة تطرى وبعدين تعمليها كور وتجيبى قد كوبين ماء شاى ولما تغلى كويس تسقطى كور الكفتة ومش حتفك منك طالما المية غلت وتقطعى بصلة عليها ورشة بهارات الكبسة وسيبها على نار متوسطة لحد ما تشرب ميتها او ممكن قبل ما تشربها مش لازم انا كانوا باقيين شوية قليلين وتطلعيها وتقدمى اى حاجة جانية سلطة طحينة فلفل مقلى وانا عملتها شندوتشات بعيش قصدى خبز بعملة فى البيت وعلى فكرة طلبها محمرة يعنى ممكن بعد كدة تحمريها انا حبيتها مسلوقة كدة فعلا طعمها جميل وطرية ومقدرتش استنى لحد ما اجرب ازاى انزل الصور زى ما عملمونى اخواتى وحبيباتى عضوات المنتدى **** يكرمهم علشان تجربوها يعنى اللى عايزة تخس وبتحب الكفتة واللى مش عايزة تجرب الطريقة دى اللى عجبت جوزى اللى ما يعجبهوش العجب وحتلاحظى ان المية المغلية بتبقى شوربة وبتنزل دهون اللحمة فيها يا ريت تعجبكم وتجربوا والمرة دى ردوا وقولوليى رايكم وبالهنا والشفاء ليكم كلكم حبيباتى لكم منى الف سلام